[حمد البادي]

لاتقول اخاف ما امون لابِالله تمون=من يمون إن كان مامنت يالوجه الرضي

والله إني ما تضايقت ولا يحزنون=وافرضي حتى لواني تضايقت افرضي

أنت تآمر وامرك امطاع والكايد يهون=ياوزين الروح ياشف بالي وغرضي

لعنبوك انت اقرب اقرابي اللي يقربون=وانت بعد الله سبب صحتي وانت امرضي

الولع والشوق نوعٍ من انواع الجنون=صاحبه مجنون ضايق ، ومجنون إنرضي

قربي لي وانعشيني قبل ريب المنون=كود زرع القلب من بعد موته يبرضي

قبل قولة إنا لله ونا له راجعون= بعدها وشعاد تِقبل عليّ أو تعرضي