راجع بعد ما صار ذكرى ونسيناه
يبي غلاه العام والقلب ناسيه
راجع يهد اللي تعبنا وبنيناه
في غيبته ما يذكر أحزان ماضيه
مع صفحة النسيان حنا طويناه
دامه سراب أشواق من كان يرجيه
منه إنتهينا يكفي اللي عطيناه
ولا لقينا من عطانا رجا فيه
كانه على الفرقا فحنا قويناه
يبكيه غيري كل ماغاب يشكيه
يا ما على قربة بكينا ورجيناه
واليوم قلب العام ما ظن يبكيه
راجع لدنيانا بعد ما نعيناه
من مات قلبه حقه إني أعزيه