ياتاجر الزيـن يابـدر الدجـى الداجـي=ياعشقة ا لقلب من لي غيرك الجي لـه
الحب خلـى عزيـز النفـس يحتاجـي=يحتاج منـك المروفـه كـود تاويلـه
متعبني الشوق مالي عنـك مخراجـي=بلوى ومن يبتلى ضاقـت بـه الحيلـه
اسهر مع النجم ليـن النـور ينباجـي=ليل العنـا مارحمنـي مـن غرابيلـه
اجـزّر الوقـت باسكاتـي وهملاجـي=والقلب مشحون من هـمٍّ يدوهـي لـه
اضحك مع الناس وجرحي بالحشى لاجي=واجحد صوابي ولاادري من ابشكي لـه
ضاقت بي الارض مادري وين منهاجي=محتـار مضهـود صادتنـي محابيلـه
تتوق نفسـي عليـه وعنـده علاجـي=طفل غرير قضى لـي زود حبـي لـه
حبه سكن بالحشى واصبحت انا اناجـي=اناجي اشبـاح زولـه فـي مداهيلـه
اقف على الباب مامنهـم لـي مناجـي=وارجع ودمعي علـى خـدي هماليلـه
يقضي نهاري ودابـي بـس الإدلاجـي=لاطـاب عيـش ولاذقـنـا مناهيـلـه
ياما تصبرت وكبـدي فـوق وهّاجـي=وهاج جمر ذهيب ا لليـل يسـري لـه