[روح التميمي]

.
.

بين الجبال و بين خضر الــبســاتــيــن=وبين النفود اللي كثيـــفٍ غـــضـــاهـــا

عذراء تشوق القلب و النفس و العين =احــبــهـــا واجــد و اهـــــيــم بغلاهــا

قالوا جـمــيــلـه؟ قـلــت هـي قـمة الزين =والــزين فــي تــاريــخــها اللي وراها

أمِ لابـن صـــالــــح واخـــوه العثيمين =و الشـــيــخ ابـــن سـعــدي هــذولا نماها

وجــــابـــت رجـــالاً غـيـر ذولا كـثـيـرين =و آل الــســلــيــم شـيـوخها و أؤمـراهــا

تــخــرجــو مــنـها هل العــلـم و الـديــن=تــعــبــت و ربــتــهــم و نــالــو رضـاها

وادي الـــرمــه عــنــهــا يــمـين المصلين =ووادي الرشا ونّ ســال سـيـلـه سقاهــــا

تــقــدر تــقــول تـعــيــش مـابــين نهـريـن =الله مـــن زيــــن الـطــبـيــعـة عــطــاهــــا

تــلـقـبـت بـأســمٍ قــديــمٍ له ســنــيـــــــــن=بــاريــس نــجـد اللي زهــتّــه و زهــاهــا

مـــعــشــوقــةِ تــاخــذ قــلــوب الــمـحبين =ما شفت في شــبــة الجــزيــرة ســـواهــا

و إن كـــان ودك يـــا عــنــيــزة تــبــاهــيـن =مـــحــدٍ يـــــرد الـــرائــعــــــه لا تــبـــاهـــا

الشاعر راشد المسمّى