1000 ليه (( صوتيه))

[ابوسحر]

في حديثى بالمشاعر جيت عابـر=مثل غيرك من أحاديث الضميـر
جيتني مابين روحـي والمشاعـر=وقفـة فيـهـا تأملـتـك كثـيـر
آتسائـل بيـن لـوم وبيـن عـاذ=حار فكري في يصير ومايصيـر
ليه لجلك هان عندى ألف خاطـر=وليه قربتك وشفتك شخص غيـر
ليه شلتك بيـن جفنـي والنواظـر=وفي صلاتي لك دعيت الله بخيـر
ليه أنا احزن لك وابات الليل ساهر=واحتمل همك وانا بهمـي كسيـر
الف ليه وليه فيها صـرت حايـر=ماقدرت اوصل نتيجـه بالأخيـر
غير أني شخص أحمل قلب طاهر=أشبه بقلـب ونقـا طفـل صغيـر
ناسيٍ ذاتي لعينـك وأنـت خابـر=مارجيتك شى ولاني لـك أسيـر
ما أقول أنك بعد فرقـاي خاسـر=كل الله بـه لطيـف وبـه خبيـر

محبكم
ابوسحر