اقتباس:
المشاركة الأصلية كتبت بواسطة KFAA
هذه محاوره بين الشاعر محمد القويماني والشاعر محمد بن حسن
محمد القويماني
سلام يااهل المنتداءمابيـن قوسيـن الجنـاح=الضيف يبـداء باالسـلام ومرحبـا مردودهـا
ابن حسن شاعر عنيزة من نجاح الى نجاح=لـكـن علـيـه مـلاحـظـة ياهـونـهـا يـاكـودهـا
ولد الخال
يا مرحبا ترحيبة (ن) تسهرك الى نور الصباح=والناس تبذل جودها والجود من ماجودها
يا شاعر السبعان مالك من بعض هرجك صلاح=املاحظتك اللي تقوله حالف (ن) ماعودها
محمد القويماني
يـاالله لعـلـك للبقاءوالـبـرق فــي منـشـاه لاح=جاتـك سحابـة وانتـبـه لبروقـهـا ورعـودهـا
اشره علـى اللـي لاورد مايـارد العـد القـراح=بعض السوالف تدبل قلوب العرب واكبودها
ولد الخال
برق السحاب اللي نشا سيله على الوديان طاح=يا الله عسى كل الشجر بالدار يبرض عودها
البارحه قالوا لي انك ناوي (ن) تارد رماح=ولا حصل لك والقضيه حاضرين شهودها
محمد القويماني
ايامنا مابين عدل وميل واللـي راح راح=واظن عندك علم في بيض الليال وسودها
تراك في عصر التطور والرقي والانفتاح=كلش ميسر والدير نعرف جميع احدودها
ولد الخال
علم (ن) تبيحه يالسبيعي مير علم (ن) ما يباح=و أهل الذكاء والبخص لا يمكن تبيح سدودها
وانا خابرتك عسكري والعسكري يبغى سماح=والضابط اللي عندكم عيا يطيع جنودها
محمد القويماني
الرجل عقل وثقل والهين تطيربـه الريـاح=والنـاس ماتـدري بغايتهـا ولامقصودهـا
انته مجرب والمجرب من عنا الوقت استراح=عساك يـاراع الذلـول اتسوقهـا وتقـوده
ولد الخال
جتك الخساره وانت طمع (ن) يامحمد بالرباح=ولا تقوم الخيمه اللي طايح (ن) عامودها
مهما تجيهل من يجي للمعركه ببلا سلاح=ثارت عليه البندق اللي عابي (ن) بارودها
محمد القويماني
الـحـمـد لـلـه مـاعـلــي اخــلاف وافـلــح يـافــلاح=وان كـبـرت الـدعــوى مـحـمــد قـدهــا واقـدودهــا
نـاس تـواجـه يـاالـتـمـيـمـي مـاتـويـق مـع الـسـنـاح=وام الـكـبـايـر مـن قـشـرهـا لـطـمـهـا بـخـدودهــا
ولد الخال
عندي خبر باللي يبي يقعد ومن يبغى المراح=ياطيب بعض اصحابنا بسهودها ومهودها
القدر عيا لا يفوح وكنت احسب القدر فاح=بعض السوالف نقصه ابرك يا عرب من زودها
تقبلو تحياتي
|
ودمتم بخير
2007, 01:40 AM
المواضيع المتشابهه
العرض الشجري