((اللي رقن به للقمر حدرنه))

[فـهـ التميمي ـد]

المشاركة الأصلية كتبت بواسطة KFAA

((.. من قصائده في باب الفكر..))

(اللي رقن به للقمر حدرنه)

لم يكن الشعر الشعبي عاجزاً في يوم من الايام عن مواكبة الاحداث بطريقته الفطريه الفذه وماتلك الابيات ادناه الا نموذجاً صادقاً لما اعنيه على لسان شاعرنا عندما سمع بغزو الانسان لسطح القمر عبر المركبات الفضائيه فقال:

اهتلت هالتني صنايع هالا زمان=صنايع من شافهن هولنه
صنايع جتنا على اشكال والوان=صنايع مابعدوا قربنه
رواديو ومسجلات بشرطان=من صار قدم الاخذه سجلنه
والهاتف اللي منه راغن الاذهان=العين شافت والاذان اسمعنه
وذكر التلفزيون من قبل مابان=يوم ان اذاعات الدول يذكرنه
جتنا صنايعهم تشاهد بالاعيان=اللي قبل واعقولنا ينكرنه
والروس وامريكا لهم بالفضا شان=تمت صواريخ الفضا واطلقنه
قامت ترزق بالقضا تقل عقبان=والجاذبيه تحتهن خلفنه
صاروخكم وصل القمر يالا مريكان=اللي قويات الصنايع حدنه
وصل القمر وارسل دلايل وبرهان=واللي رقن به للقمر حدرنه
شرهوا على المريخ من غير حقران=ومرن زحل والمشتري جنبنه
وبعض الكواكب مرهن ماقضى شان=هدن وردن شانهن ماقضنه
ترى النجوم ارجوم لكل شيطان=واللي يقرب حولهن يرجمنه
تم الذي عندي ولافيه نقصان=واعقولنا ما كل شي يدركنه

تقبلوا خالص التحيه