يامحمد

[yhb123456]

يامحمد واشقا قلب المعنا=من تولع بالهوى ضيع دليله
من غرابيل تجي منا ومنا=والمولع بالهوى يومي شليله
ولعتني شادن يسكن وطنا=متلف حالي وهو ماينحبيله
ياتعب حالي الي شفته تثنا=واشعلت زنده وقلبي له فتيله
عن وجودي غبت مع ظبي اغنا=سارق عقلي تقل مالي قبيله
ضاعت الفزعات وماتلقا امجنا=عن وهج نار المحبه لو يشيله
ساهر ليلي وطرفي ماتهنا= والخلايق كل واحد مع خليله
يالله انك لاتخيب من تمنا= جادل خلت محبينه ذليله
من ثمان اسنين مايوم ارجهنا=هاجسي عنها وهي ماترعويله
صابر لو ان له رمح طعنا =والرجاء بالله يجمعنا بليله
اتركوها لو علي ذبحي تجنا =قولوا انه مات مايعرف قتيله
كل شي قابلينه في زمنا=والدجيما مالقا من يشتكي له
خلو من قيده علي ساقه امثنا= لاتلومونه ولو يرفع عويله
لايمي في حبها خبل ايجنا=مايبات الليل عفريت يشيله
لو يشوفه راهب المحراب غنا =بدل التهليل بقوله ياحليله
حط كفه فوق صدرثم ونا =كنه اللي صايبه حما مليله