عذربت ببلادي وكثرت ياحمد= وقطعت قلب اللي حياته بـــــــلاده
اشم مع دقات قـلـبـي هوا نجـد=واحتار مــــــابـــيــن الجـــــبـل والحـماده
حــنا تـعـودنا على الحر والبرد=ولاهـــمــنا لــــفــح الســمــوم اوبـــراده
ياما وطينا من صحاري وهي جرد=وما تــــنــبت الصحـرى نحطه وساده
وياما زهت بعيوننا زهرت الورد=وقــــطــفــــت ماجاز بـلـــذاذ اوركاده
حــنــا سعوديـــيـن والقايد الفــهـد=وعــــدونــا مـــــايــهــتــني في رقـــاده
ســلـم لمن سالم وضـدٍ لـمن ضد=والله خـــــــالـــقـــنــــا وحــــنـــا عـــبــاده
نارد ليامنه هبا هايب الــلـورّد=الـــياهبا الهــايــب ضعـــيف الاراده
وجدي على دارآ لواد الرمه حد= وغــربــــيها نبت الغضا بــمـتداده
مــصـيـونةٍ عن لطمة العين والخد= عذرا وكلن طامــعـــن في وداده
عــذرا على مــر العصــور اوتجدد=تـنـقــض جــدايلها برفق اوركاده
عذرا ثــغرهــا مبـتـسم شـدني شد= شـــدة طليـــــب موثــقـــين قياده
سفح الجبل معلم وسهل الجبل غد= يشرق على الفيحا سوات القلاده
بـالـعــــلم والتـنـظـيـم ماجـالـهـا نـد=باريس نجد وتستحق الاشاده
طــيـب وكــرم واخلاق اهلها تمجد=داري عنــيزه واول العلم ساده
قولت هلا للضيف جد على جد=مـــــيزه وكلن ميزته له شهاده
وانا مســافر وانت لاعـاد تـنشد=خلك بدارك واسترح ياحماده
العرض المتطور
