يمكن اجل طواف الحج بعد السعي

[فـهـ التميمي ـد]

هذه محاوره رباعيه جمعت شاعرنا الكبير ابوعبدالله وكريم العنزي مع ابراهيم الشيخي ومحمد السناني

ولد الخال ..

عود الليل والمسرا على ماتبون=خلوا الشيخي ابراهيم يسري معي

كريم العنزي ..

شاعرٍ مايمون وشاعرٍ الا يمون=واكثر الناس ماحصل بهم مطمعي

الشيخي ..

كان عندك خبر شكرك على المكرفون=لا تضيع سنعك ولا يضيع سنعي

السناني ..

لا تقولون ياصحابي ما لا تفعلون=يمكن اجل طواف الحج بعد السعي

ولد الخال ..

مابغيتك لبعض اهل القشر تسمعون=وان مشيت الطريق الصعب لا تسرعي

كريم العنزي ..

لو قريتوا كتاب العرف وش تاجدون=والسؤال الغريب بقصة الاصمعي

الشيخي ..

سامعن عنك خير ويا عسى ماتهون=قلبك ابيض ولا تدعي ولا تدّعي

السناني ..

فصلوا والبسلوا من خير ماتلبسون=واضح الفرق لا تقسم ولا تجمعي

ولد الخال ..

يابراهيم ماودي تغر الظنون=مير وش قال بن حنبل عن الشافعي

كريم العنزي ..

سلموا واسلموا لاعلكم تسلمون=جعل رزقٍ وراء بعض العرب يقطعي

ــــــــــــــــــــــــــــ* * *ــــــــــــــــــــــــــــ

[/QUOTE]