والضرورة لها أحكام

[المظلوم]

السلام عليكم
هذي إحدى روائع الشاعر
محمد الأحمد الناصر الشايع
اتمنى ان تنال إعجابكم

الظرف طاري والضرورة لها أحكام = وانته وأنا كل تحكمه ظـروفـه
أسرار تخفـيها الليالـي والأيـام = ماهيب مكشوفه ولا هي معروفه
واللي جرالي هالسنه قد جرى العام = هذي تقـاطيعه وهذي وصوفـه
يقطـع ظـروف كلها همّ وأوهام = مامن وراها ألاالتعب والكلوفه
ما كن حنَّا إلا على موعـد هـام = يجي على الميعاد يقضي شفوفه
حتى صفت حالي على جلد واعظام = و أصبحت مثل اللي بحال المروفه
امشي على نيران ضيمه بالأقدام = ويركي على حلقي بواتر سيوفه
واصبر على كبر الغبينه ولا انـلام = لو صحت من شي عيوني تشوفه
شيء حقيقه ينكره دين الإسلام = امسايسه صعب وهين وقوفه
ما هوب تمويه على الـعين ويهام = الخط بيِّن مـن تبيِّن حروفه
واللي تمتع في صفا ذهن والهــام = الظاهـر إن السالفه ما تطوفه
والله فلا اقصد جمع ثروه وخـدام = ولا هوى غرو يحني كـفوفـه
ولا مثاري في طـلب دم لأيتام = عن ذي وعن هاذيك نفسي عزوفه
نفسي على اللي هي تمنا بها اهيـام = وعيني تقل بابرة خياط امخطوفه
من كثر ما تبكي ومن قـل ما نام = صارت على ماهي عليه معسوفه
وأنا ادري إن الحظ لي مابعد قـام = حظي عليه الوقت كثرت صدوفه
لا شك أبصبر وانتظر مسك واختام = صبر السنين اللي عساها مخلوفه
يمكن فرج صبري على الدرب قدام = يمكن ويمكن ما توافق ظروفه

تحيتي
المظلوم

[YsOrI]

روعه الله يعطيك العافيه

[ابو سلطان 6]

اخوي المظلوم
الله يعطيك العافية

[المظلوم]

السلام عليكم

الله يعافيكم اخوي الخاطوف وابو سلطان 6

وشاكر لكم مروركم
تحيتي
المظلوم

[دمعه]

.".."."."أشكر مشاركتك الرائعه وعوااااافي عليك .".."."."

[ريان]

مشكووووور يالمظلوم,,,,,,,,,,,,,,,,,,

[عطاشا]

.".."."."أشكر مشاركتك الرائعه وعوااااافي عليك .".."."."

[ابو سعد]

لاهنت يالمظلوم

وهذا الشبل من ذاك الاسد

جميعهم شعراء مبدعين

تحياتي

[أسير الحب]

مشكوووور اخوي
ويعطيك العافية

[المظلوم]

السلام عليكم
هلابكم كلكم
واشكركم على المرور والتعليق

تحيتي
المظلوم