حنا الخوالد مانهاب .. فوق الملا مثل السحاب

[السمسار]

بسم الله الرحمن الرحيم

قصيده للشاعر الشاب عبدالعزيز حمد العمار من بني خالد من القراين في منطقة الوشم




الــــتــــاريـــــخ

يـا جـا هلـن تاريخنـا=جهلـك بنـا ماضـرنـا
وعلمك بنـا مـا سرنـا=محدن سواك اللي خسـر
حنا الخوالـد مـا نهـاب=فوق الملا مثل السحـاب
ما ضرنا نبـح الكـلاب=نا طى على راس الضرر
اللـي يعادينـا يـهـان=واللـي يسالمنـا يعـان
في ديارنا عرضه يصان=يجي لنا ودربـه خضـر
انفوسـنـا والله كـبـار=وعيوننـا للضيـف دار
وخرابنا يصبـح عمـار=للضيف لا منـه حضـر
حنا هل العرض المصون=وكـل القبايـل يشهـدون
وصغيرنـا ليـث فتـون=لا صار عرضه في خطر
صنا اعراض المسلميـن=يـوم القبايـل غافلـيـن
جو فارضنا المستعمريـن=ولقو بها المـوت الحمـر
لقو بهـا البـاس الشديـد=لقو بها ضـرب الحديـد
فري الكلى قطع الوريـد=يا كيف نمهل مـن كفـر
اديارنـا هـاك الزمـان=امن الكويت الـى عمـان
اللي بهـا صـار بأمـان=حتى الحباري في الشجـر
واليوم في عهد آل سعـود=الامن في الديـره يسـود
لا بارك الله في الحسـود=اللي يحسـب انـه مكـر
وحنـا ترانـا وآلمـيـن=مـع القبايـل اجمعـيـن
وعلى اليهـود موجْهِيـن=لا بـد يومـن ننتصـر
وناطى على روس اليهود=وفي القدس يهنانا السجود
ونلغي الفوارق والحـدود=ومن جد في سعيه ضفـر

عبد العزيز حمد العمّار الخالدي

-----------------

تحياتي .. السمسار

[روح التميمي]

والله والنعم ببني خالد وبجميع القبايل ( الناس بالناس والله ما نهزلها ) , (وكل عطاه الله من هبة الريح ) , تسلم والله يالسمسار . . إيه تكفى عطنا من هالشعر السنع الله يعطيك العافية , ومشكور .

[السمسار]

الله ينعم بحالك يابعدي ..

أما عن الشعر ابشر باللي يسرك ..!!..

[عطاشا]

ونعم والله بالخوالد وشيخهم ابن عريعر

وصح لسان الشاعر على هالقصيدة الرائعة

وشكرا لك يالسمسار على نقلها والله يعطيك العافية

[طياري متعصب]

والله

ومليون

نعم بالخوالد

حكام ويشهد لهم التاريخ

وبيارقهم تعلت لسما فوق...

[صحاري]

تسلم ياالسمسار ويسلم العمار قصيدة اكثر من رائعه الله يعطيك العافية .

[عزي للي]

صح لسانك ولسان الشاعر يابن آخي

[ريان]

شكرا لك ,,,,,,,,,,

[السمسار]

عطاشا : ماعليك زود .. وصح بدنك .. والعفو يابعدي ..
طياري : ماعليك زود .. والله يسلم عمرك ..
صحاري : الله يسلمك .. وعطاك العافية ..
عزي للي : وصح بدنك .. يابن آخي ..
ريان : العفووووووو ..
------------
تحياتي .. السمسار