قصيدة ورد مع الشاعر عبدالله العرفج

[روح التميمي]

المشاركة الأصلية كتبت بواسطة ضاعت الحيله

تحية طيبة لجميع اهالي عنيزة الغالين ..



قال عبدالله العرفج :

البارحة مرني بالسوق مابين العشا والاخير=زول الى شافه المولع حضر للروح ديانها
بغيت منه السلام وقال ماتسبح بحرنا غزير =تلعب بك امواجه اللي كنها الضلعان زيرانها
واقفى يداني الخطا ديقان مثل اللي يطا له هصير=يروج روج الحمامة يوم ضفت روس جنحانها
وقفت أخيله الى مالاذ بالمطراق وانا استخير=واجاهد النفس اخاف تطيع النفس شيطانها
وش رايكم يابو ناصر عطني جواب المشير=اقدم العيب والا اصبر على العلة وكتمانها

فرد عليه الشاعر عبدالمحسن :

ياجض قلبي جضيض حيام خلج له على جال بير=لطمت عن الما نهار الخمس يوم اشفت لحيضانها
والا كما ونة اللي طاح بالميدان ساقة كسير=تدوسه الخيل بقفايــه وبقباله بحذيانها
من واحد هيض المكنون لين انهل دمع النضير=يشكي سوايا المحبة حرقت قلبه بنيرانها
جدد علي الجروح المرمسة غاليٍ شكى من عشير=توه درى ان المودة جاير بالحكم سلطانها
ياراعي الجابة اللي جابها من داخلي الضمير= يازين معناه لولا انه سهى عن ضبط ميزانها
ماهوب قاصر معرفة لا ولا بالوزن قلبه غرير=مير اخلفه من سهوم الموت لاحت له بجنحانها

اخوكم الضيف ..

من إضافات الزميل ضاعت الحيلة