ورثت النوح عن مجنون ليلـى
بدا المكنون هيضنـي حمامـه=تجر الصوت مدري وش علامه
تجر الصوت بلحـون غريبـه=بغيٍّ يا علي ما أعرب كلامـه
ألا يا الورق نح ما كنت سالي=لك الويلات ما ذا من غرامـه
على مابي وهو ما فيه مابـي=يزيد الويـل ويـلٍ بانحطامـه
أساله ما فجـاه ومـا علامـه=ولا ينبين عن ما به علامـه؟
أنا مـدري مرامـه بامتحانـي=أو إن الوقت خانه في مرامـه
دعاني للهوى ليـن ارتمانـي=سيقضى بيننـا يـوم القيامـه
ياكيف الـورق حملنـي أزاره=وانا عابر سبيل أبْي السلامـه
ولا لي في زمانٍ فـات عنـي=قضيت اوطار عصره والتزامه
فلكن الهـوى راعيـه مبلـي=وهذا من سبب صوت الحمامه
على اطلال المنازل عقب حيـه=تجر الصوت واسمع يا سلامه
تذكر ما مضى يـا عونـة الله=أهل هاك المنـازل والكرامـه
ألا يا الورق هل ترثي منـازل=خلت ما عاد به كـود الندامـه
أرى فيها غراب البيـن ناعـق=وفرخ البوم شادٍ بـه مقامـه
خليلي لو خلت منـه المنـازل=ما ظن من الحشا ترحل خيامه
وهذا كيف تصريـف الليالـي=وصرف البين مجرودٍ حسامـه
على بخت الدهر ياما غدا بـه=من الخـلان وأسقانـي ألامـه
شقيت ومن شقى مثلي عذرني=ومن ذاق الهوى صابه سهامه
وهذي سنـة العشـاق قبلـي=وما قالـوا نقولـه والكرامـه
ورثت النوح عن مجنون ليلـى=ولبست من الهوى ثوب الملامه
دنيـفٍ مولـعٍ صـبٍّ متـيّـم=غريم هـام فـي واد المهامـه
ومن يقتل بسيف الحب عمـدٍ=عفـا الله عنـه آزاره وأثامـه
ومن له بالهوى خـودٍ لكنـه=ظبيٍّ من ظبـا ريمـات رامـه
بشرع أهل الهوى ابكاه سنّـه=ونوح المبتلى ما بـه ملامـه
ولا ظني يلومـه كـود منهـو=خلـي البـال هلبـاجٍ فدامـه
خليٍّ مـا يهمـه غيـر بطنـه=ولا يفْرق حلاله مـن حرامـه
وصلى الله على المختار وآلـه=عدد ما ذعذع الشرقي ولامـه
المصدر / شعراء عنيزة الشعبيون 63/1
2009, 06:45 PM
المواضيع المتشابهه
العرض المتطور