اللي قلبه خضر يدخل قبل الحذف !!!!!!

[عطاشا]

حرب النجوم وحرب تسليط الاقمـار
وسلاح ناسـا بالزمـان الصناعـي
وخطة برامج حرب تدميـر الاقطـار
اللي بها ضاعت جميـع المساعـي
وش عاد مهما تحرق الناس بالنـار
كلش ولا حرب العيـون الوساعـي
سود العيون اللي بها العقـل يحتـار
منهن وفيهن مستمـر(ن) صراعـي
بين الظواهر والبواهـر والاسـرار
حاولت اعرف اسباب حق انتفاعـي
ويوم طعنتني بالهدب والشذى ثـار
سلمت وانهـارت وسائـل دفاعـي
قالت علامك شـارد الفكـر محتـار
قلت انتظر تفسيـر سـر انطباعـي
والله مدري ياسناء البدر وش صار
في حالة اللاوعي لو كنـت واعـي
اشعر ولا اشعر والمشاعر والاشعار
ضاعت وضعت ومن عيونك ضياعي
طمن عيونك قبل الاعصـاب تنهـار
واقصر نظرها واستمـع لاتراعـي
لاتنزع الخافق تـرى خافقـي طـار
بين الظلام وبيـن حـد الشعاعـي
نظرات وحكايات واظهـار واضمـار
واسرار وستنكار من غيـر داعـي
ذبنا وغدينا شمع وقت اللقاء الحـار
وطاح الشماغ وطاح معـه القناعـي
انت اندفاعي بس انا كنـت صبـار
والا اللقاء صـار اندفاعـا جماعـي
تبغى الكلام اللي وراء حـد الانكـار
انا الذي من يدك صـرت اندفاعـي
والله ماذكـر لـك تفاصيـل مـادار
الا يمينـك يـوم تلـوي ذراعــي
مجرم ومع سبق الترصد والاصـرار
رغم انك اكبر عاطفـي واجتماعـي
حلم(ن)بقى مع طلعة الشمس تذكـار
والحمـد الله كنـت قـد امتناعـي
صار اللقاء اللي صار في حكم الاقدار
وطويت من عقب المتاعب شراعـي
جيتك بعد صبر وغرابيـل واسفـار
ولقيـت غايـة رغبتـي واقتناعـي
وش هالجمال اللي تقاسيمه اطـوار
ماله مع اهل الكون غير انت راعـي
المفـردات تغـادره سـر وجهـار
والصمت يلقى فيـه كـل الدواعـي
حدثت به للشمس والماء والازهـار
والريح ونجوم الفضـاء والمراعـي
وابلغت فيه الخمس واعطيتها اقرار
واعلنت له فصل(ن)جديـد بنزاعـي
سلمت تسليـم المهاجـر للانصـار
فيماتـراه وقــدر مايستطـاعـي



الشاعر

جوهر الحربي

[سيد العذارى]

صح لسان الشاعر جوهر الف مرة
وتسلم يمينك اخوي عطاشا
والله انك ذوق والقصيدة قمه

لك تحياتي

[أبو عبدالله 100]

مشكور يا أخوي عطاشا والله رائعه من رائع الله يعطيك ألف عافيه وما قصرت .

[ريان]

الف شكر لك ياعطاشا,,,,

[عطاشا]

شكرا لمروركم جميعا وتعليقكم الحلو

[ابو سعد]

كلك ذووووووق ياعطشطش

مرسي لاإلك ههههههه

تحياتي لك ...

[عطاشا]

يا هلا والله ببو سعد وشكرا لمرورك

[دمعه]

يسلموووووووووووووووووووووو وعواااااااااااااااااااااااااااافي

[عطاشا]

دمعه يامهبول ماعندك غير ( يسلموووووووووووووووووووووو وعواااااااااااااااااااااااااااافي)

الله يسلمك ويعافيك

[مزاجي]

ولو يجي منك اذا اشتهيت!!!
هذا الكلام وهذي المشاركات ماهيب خرابيطك الاوله!!