عـيـون الـجـوا

[ابن الخطيب]

ياهل عنيزه ترى بنت الجوا=ماخذه منّي عيوني والفؤاد
فان رحمن الله من اسباب الهوى=واحتريت الموت في عدّ وعتاد
ما رحمن الله وانا ذنبي عوى=عند ربّ ويوم بعث ودوك عاد!
عقب ما كنّا نبي نسكن سوى=ونتخبّط بالحياه وبالولاد
يوم كنت آخذ من شفاته دوى=وهو خذا منّي حياتي والمراد
اذكر انّي قلت لو فكري نوى=يلتفت في وجه نوره مع سعاد!
جاوبتني يا علي مالك لوى=عقب وجهي مختفي وجه العباد
واذكر انّي قلت فرق المستوى=لا يقلّل شان دام الشان زاد!
جاوبت هالمال ملعون الثوى=سيّد اللي ما حلم بالنوم ساد
واذكر انّي قلت قلبي ما قوى=يحتمل غيبتك عن ذيك البلاد
واذكّر انّي قلت اغيّر محتوى=فكرة ان الحبّ ممكن للجماد
افضل من اللي معه حالي طوى=واعتبرت السالفة كبوة جواد
راحت وصارت حكاية من روى=كان يا ما كان واحد بالحداد
ياهل عنيزه لو عيون الجوا=تكشف النيّات وتبطّل عناد
كان ابلقى من رماني بالهوى=واختتمت الدرس لو ما يستفاد