يكفي معي ملعوبك اللي لعبته

[سعيد محسن الحريص]

ابحر بهاجوسي مع الغيم والقاك
ولو ينكسر غيمك معي ماشربته
تمتد كف لي من العز وانساك
حيث ان حقران الاوادم كتبته
حيثه امر المر لو هو حلا ياك
ومن فوق جمر للعواطف سكبته
انهم خفوقي نهمة الحر عن ماك
واعلمه وشلون مني سلبته
ويطير في جو فسيح تعدااك
ومن صد عني كبر انا ماحسبته
لو الجمال وصبغته من مزاياك
في ميزة الاخلاق ولله نكبته
ماعاد لي شف لك الله بشرواك
يكفي معي ملعوبك اللي لعبته