قال من عدل معانيه

[ماجدونا]

قال من عدل معانيه بافكاره = من ضميره ما تعسره معانيها
ترك اللي عند ربعه بطل كاره = ما تعود للحرايب يصاليها
يوم سرنا بالبيارق نحو داره = انقضى اللازم وهو ما درى فيها
خبّر اللي ما حضرنا طفت ناره = يوم عج الخيل والجيش يتليها
نضرب الموت الحمر باول الغاره = والله اللي للخلايق يسويها
لو يدبرنا على الموت صباره = نرخص النفس العزيزه ونغليها
ضدنا يوم اللقا يشرب غباره = ونورد كبده من الضيم نرويها
علة يبحل به الجار مع جاره = والمداوي ما عرف له يداويها
انشد التاريخ عن طيب اخباره = كان شفك بالشجاعه وطاريها
رمينا ماهوب يقصر عن الشاره = غيرنا يقصر وحنا نعديها
دارنا تشره ولاهيب غداره = واجب حقه علينا ونرضيها
من عوايدنا على الكود جباره = دون جاله عن عدوه نصفيها
كل رجل ينثني ما ستر عاره = والحذر ماهوب يبعد ويدنيها
بامر شيخ للجزيره وباشواره = نرخص النفس العزيزه ونهديها