حيا الله اللي ( غزليه )

[ماجدونا]

وله ايضا ( رحمه الله ) قصيده على اللحن العدني :-

حيا الله اللي ركب رجله على شاني = وانا احسب انه على اللازم يشح ابها
حيه عدد ما مشى حي على الثاني = او عد ما تلفي الغربه بغايبها
هذا وانا منك بالترحيب خجلاني = عِـنـوك ماهوب هاللي جاك واجبها
لولاي اخاف إبتعكر جو جيراني = اني لاحني لك الحفله واخضبها
في ساعة تجمع القاصي مع الداني = تامر وتنهى حدر راية امعزبها
والله فلا انساك يا مياح الارداني = الا ان تنسى هل الدنيا مذاهبها
ان كان دورتني تراك تلقاني = في ساعة تنكر الاصحاب صاحبها
ابيع روحي على شانك بهدلاني = على من يشري الارواح نجلبها
يفداك من حط ورد وحط ريحاني = من ساير البيض وارداها وطيبها
ان كان تسمح بعنوانك وعنواني = اعطيك هاللي برمش العين كاتبها
لولا محبتك ما فكيت روشاني = استنظر الساعه اللي تـِتنزل ابها
ولا على نية الشاعر اسليماني = كد خط له خطة مانيب عاقبها
ان كان قصدك تولعني وتنساني = ترا المكينه بشرشوره امزهبها
وانت المخير بهالموضوع والثاني = والنفس ما تتبع الا اللي يناسبها

[علي ابو ماجد]

مشكور اخوي

[ولد الطنايا]

شاعر جزل وقصيده جزله يعطيك العافيه اخوي ماجدونا