باريس نجد (نبطية)

[روح التميمي]

فل الحجاج بزود لا جيت باريس=باريس نجدْ حْجاج روحك تفله
بعنيزة الفيحا تموت الهواجيس=وتصير به نفس الشقي مسفهله
ومفارق الفيحا يجيب العواميس=ويرّث بقلبي ألف عله وعله
تسوى (جنيف) و(كان)و(لندن) على (نيس)=وتسوى بلاد الغرب والشرق كله
لاهل الثقافة عاصمة مثل باريس=نجد السما وهي القمر به مطله
ياماحلا جوّه وذيك النسانيس=بين النخل وغروسها المستظله
ويا ماحلا القعدة بروس الطعاميس=وسط المصفر بين ربعٍ ودله
وياما حلا وديانها والتضاريس=وياماحلا شمسه وبرده وظله
أحبها حبٍّ تعدّى المقاييس=وأفخر بذكره وأهتويها وأجلّه
ريحة عنيزة تستفزّ الأحاسيس=وقلبي عليها ذايبٍ به مولّه
وإن غبت عن وعيي وجتني هلاويس=فاطْروا لي عنيزة وشوفوا محله
بعنيزة عنيزة تشوف النواميس=لو مِلّت ديار العرب ما نمله
دار الكرم والمجد من غير تلبيس=فخر القصيم ونجد روحي فدى له
دونه رجال بالملاقى ملابيس=أرواحهم لعيونها يرخصن له
من فعلهم ليل المعادي كوابيس=وإن شافهم بالعين بطنه يهله
هذي عنيزة ساست المجد تسييس=وعز التمدن .. والحضارة يدله
هذي عنيزة دار دحّارة إبليس=يالله عسى الوسمي بخيره يعله

[فهد9]

يعطيك العافيه

[أبوبدرالدهمي]

صح لسان الشاعر الكبير أبواياس وعلا شأنه
تستاهل عنيزه (باريس نجد)
شكرا روح التميمي
تقبل مروري وتقديري
أبوبدرالدهمي

[عبدالعزيز الزنيدي]

الله يعطيه العافيه أبوإياس


من أجمل ما قرأت صراحه عن عنيزة

فيه كذا بيت حبيت أستفسر عنهم

لكني ماقدرت أنسخ !!

ياليت تعدلون هالخاصيه فحقوق الشاعر محفوظه ولاهنا خوف بإذن الله