التشطير والتخميس وقدرة ابو ماجد البلاغيه

[ماجدونا]

"اسلوب التخميس والتشطير بالشعر "


تعارف الشعراء في الشعر الفصيح على تخميس الابيات الرائعه والنادره , لكن بالشعر النبطي او العامي يكاد يكون معدوما .. ولعل الشاعر( ابو ماجد ) هو اول من ادخل هذا النوع الى الشعر النبطي كـ تخميسه للأبيات القديمه الاتيه :-


ما ضحكة الا والبكا مردف لها = ولا شبعة الا مقتفيها جوع
ولا يـــدٍ الا يـــد الله فــــوقــــها = ولا طايـرات الاوهن وقوع

فقال ابو ماجد ( رحمه الله ) :-


من الراي رايــــات الطغا لا تفلها = ولا تغيـــــــر نعمتك عن محلها
لــــو إن بيــــدك ثروة الناس كلها = ما ضحكة الا والبكا مردف لها

ولا شبعة الا مقتفيها جوع

قلته على سعة المذاهب وضوقها= لا تظلم العالم وتبخس احقوقها
ترا العين يحاسبها الولي عن رموقها = ولا يــد الا يـــد الله فوقها

ولا طايرات الا وهن وقوع


***

التشطير ,,


قال احد الشعراء :-


ودك الا الــرجـــال كبـــده متينه = يصبر ولو صلفوا عليه المعازيب
لابد هــــم من ساعة ذاكــــرينه = يما علـــى خبث ويما علـــى طيب


فشطرهم ابو ماجد بقوله :-


ودك الا الــرجـــال كبـــده متينه = مثل الجمل ينطح احمول المواجيب
يظهـــر بــراهين النجاح بيمينه = يصبر ولـــو صلفوا عليه المعازيب
لابد هــــم من ساعة ذاكـــرينه = امناقشين مــــاقفه عقب تجـــــريب
على صحيفة ما عمل راسمينه = يما علــــى خبث ويما علـــــى طيب



وهنا مثال آخر ,,



ارسل الشاعر عبدالله بن سبيل الى ابو ماجد بيتين رغبة منه بتشطيرهما من قبل ابو ماجد .

قال ابن سبيل :-



لو ان مابي بالغصون الوريقه = امسن بيـــــــض كنهن المشاريق
اخاف من مــــــوت بليا حقيقه = مثل الدجيما ما اطرد به ولا سيق



فشطرهم ابو ماجد على النحو التالي :-


لو ان ما بي بالغصون الوريقه = الناعمات المثمـــــرات المغاديق
سرى بهن ســم الهلاك ابدقيقه = وامسن بيـــض كنهن المشاريق
اخاف من مـــــــوت بليا حقيقه = اصيـر مضراب المثل للعشاشيق
ايقال مــات وفات منهو عويقه = مثل الدجيما لا اطرد به ولا سيق

[ذيب الطنايا]

الشاعر أبو ماجد رحمة الله علية تميز من بين شعراء عنيزة في أسلوب التخميس بالشعريين النبطي والعامي

واعجبني رد ابو ماجد


ودك الا الــرجـــال كبـــده متينه = مثل الجمل ينطح احمول المواجيب
يظهـــر بــراهين النجاح بيمينه = يصبر ولـــو صلفوا عليه المعازيب
لابد هــــم من ساعة ذاكـــرينه = امناقشين مــــاقفه عقب تجـــــريب
على صحيفة ما عمل راسمينه = يما علــــى خبث ويما علـــــى طيب

مشكووور أخوي ماجدونا على طرحك ولاتحرمنا من جديدك لاعدمناك

[مظلوم]

شاعر المليون
الشاعر البحريني يذكر انه لم يجد غير ابو ماجد في الشعر النبطي سبق له التخميس

[ماجدونا]

الف الف الف مشكور مظلوم ,,,,

ابو ماجد يستحق اكثر من ذلك


ذيب الطنايا,,,

لا شكر على وااااااجب وانا اخوك

ابو ماجد سمي ( مظلوم ) وهو فعلا مظلوم اعلاميا توقعا منه ( رحمه الله )

للمستقبل