راكب اللي حزة الماجوب

[ماجدونا]

راكب اللي حزة الماجوب تدنا = تو ما جت من جديدات الاداوي
نحره يا راكبه حماي الادنا = والبعيد من القرابه والعزاوي
علي ابو سالم وقله يا سندنا = بالمذاكر للمعاني والشكاوي
يا علي يا فرحتي بالراي افدنا = حيث شبحك ما يجي دون الحراوي
يا علي عما جرا حنا نشدنا = قال ابو عماش ومعيبد وضاوي
لجل ابو عفاس خربنا بلدنا = واصبحت من سبته قفر خلاوي
قادها يم المهامه وافتقدنا = والسنام اصبح مع الغارب متساوي
مثل ما قال المثل نثر عمدنا = جعله الله في حضيض النار ثاوي
عقب ما خف المرض واقبل سعدنا = حاسها المدحور واعماها المداوي
القصير افخت قصيره وابتعدنا = واستحلتها ثعابين وخصاوي
لو إِشهد له بالفضايل ما شهدنا = الحساني ما تجي ربع المساوي
كم غبي حاسبينه من عددنا = مثل باقي جلة ما له عراوي
عمر اخو عمار منهم ما استفدنا = والليالي يقصرن حيل الهقاوي
لو يفيد القول قلنا واجتهدنا = مير صياح الخلا يا عقاب داوي