انا من نجـــــــــــــد

[ابوسحر]

من روائع الشاعر الامير المرحوم محمد الاحمد السديري

وازداد حسنها بصوت ابونوره فنان العرب محمد عبده

أنا من نجد أنا من نجد يكفيني هواها =ويبري لوعتي شربي لماها
وشوفي من نبيه ومن نوده =غزال تابع قلبي هواها
غزال ضيعت عقلي وروحي =رمت قلبي وقلبي ما رماها
لها بالروح وفوادي موده =ولا شي من أحوالي خفاها
تعرف إني لها مملوك طايع =أبيع الروح في دورة رضاها
أهيم بحبها واخفي جروحي =وقلبي ما عشق زول سواها
توقد حبها باقصى فوادي =ونار الحب يحرقني لظاها
ملكني بالهوا عذب السجايا =ولا اذكر ساعة قلبي نساها
نحيل الخصر وضاح الثنايا =نظيم الدر منظوم بفاها
فجعني بالهوا ورقا حمامه =إلى غنت يذكرني غناها
يذكرني وليف غاب عني =وعيني منه جاها ما كفاها
ورا دنياي عقبه لوعتني =من الفرقا تكدر لي صفاها

محبكم
ابوسحر

[عطاشا]

دائما اختياراتك مميزة لأنك متميز يا أبو سحر

الف شكر على القصيدة الرائعة

الله يعطيك العافية

[ابوسحر]

تحياتي لك عطاشا


حضورك الدائم ونقدك البناء


هم الدافع للمشاركه الفعّاله


كل الشكر لك عطاشا




محبكم
ابوسحر

[ريان]

الف شكر والله يعطيك العافية

ماقصرت يالغالي

[ابوسحر]

اشكر لك مرورك ريان


تحياتي لك



محبكم
ابوسحر