تفرق الغيدا عن الغيد برغدها = كل شي راهيٍ في جسم نوره

[عطاشا]

هذه القصيدة الجميلة وجدتها في احد المواقع لكاتب اسمه راية الشعر

صراحة القصيدة اعجبتني وحبيت انقلها لكم لتستمتعوا بها انتم

تفرق الغيدا عن الغيد برغدها = كل شي راهيٍ في جسم نوره
شعرها ..وعيونها... فمها.... ويدها = طـــلّةٍ تغني عن الصبح وظهوره
ما بقى عودٍ يثنـّـا ما حسدها = وكم تمناها كتاب 00ورف صوره !
صادقه في كل شي إلا وعدها = ياتقدم 00ياتأخر 00في حضوره
بس توفي منوة الروح وبعدها = ولو تعــذّر فعلا البنت معذوره
لا كبد في ذاالزمان إلا كبدها = ولا شعور إلا وهي تدرك شعوره
غيمةٍ حنــّت سما الروح برعدها = لين سقــّت روضة الصدر وزهوره
نعمة ما تعرف إلا من حمدها = تحفةٍ تغـّـني عن المُـلك وقصوره
ذوقتني قبل عام من شهدها = وعقبها ما صار للسكر ضروره
ان زعل همــّالها يضحك بردها = وإن نشدت لروضها تصدح طيوره
كيف أصب عروق دمّي في جسدها = كيف أخلّي ديرة الوصل معموره
قمت الاحقها تقول أني ولدها = ذاهـبٍ معها بلا راي ومشوره
مادريت إلا وهي تاقف وحدها = عند باب القلب مدري خلف سوره
ليه أعذربها ولو يفتر جهدها = حتى لو ماهي على وصلي غيوره
المهم إنه خذا قلبي رغدها = الرغد موجود ...لكن عند نــــــــوره

راية الشعر

[أحبه حيل]

الله عليك عطاشا

على هالاختيار الجميــــل

يعطيك العافية يارب

[عطاشا]

مرورك الأجمل اختي الفاضلة

والله يعافيك

[ريان]

الف شكر والله يعطيك العافية

ماقصرت يالغالي

[عطاشا]

وانت بعد ماقصرت ياريان يوم كلفت على نفسك وقريت القصيدة خخخخخخخخخخخ

اشكر مرورك اخي الصغير والله يعافيك

[(فاقدحنان)]

أخي الغالي عطاشا ....؟

أخي هذه القصيده من نضمي

وأنا صاحبها وليست للأخت راية الشعر

وأنا كتبتها منذ سبع سنوات تقريباً...

فأنا أشكرك لكونك قلت منقوله بس أتمنى

منك أن ترسل لي إسم المنتدى الذي أخذت منه القصيده

ودمت بألف خير...؟

[علي الخطيب]

فاقد حنان ..

اعتقد ان القصيدة مشهورة وهي للشاعر المعروف : علي بن حمري

والذي يلقّب بـ راية الشعر

!