مأساة مساهم في السوق السعودي عبّر عنها بقصيدة صادقة

[طارق]

	قال الذي في سوق الاسهم تغربـل إنـدق حالـه قبـل مالـه يـدبَّـل شاروا عليّه نـاسِ غشْـمٍ مهبّـل دبّل قروشك عام سبعه وعشريـن قلت اصبرو قدمت قرضٍ على البنك أُما شرولـي رزّ ولاشـرو زنـك والله يسهّلها على اللي شكا الضنك دبّل قروشك عام سبعه وعشريـن لكن أخاف السوق ياخذ خشوعـي ما غير افكّر بالسهم فـي ركوعـي هذا نزل نسبـه وذا فـي طلوعـي دبّل قروشك عام سبعه وعشريـن حتى المجالس هرجة الناس الاسهم ضاعت حلاة الكيف والكـل مهتـم أحدٍ تشوف السـن وأحـدٍ مغلـدم دبّل قروشك عام سبعه وعشريـن واحترت مدري ويش اباخذ واخلـي سهم ٍمعلـي بـس الاخـر مدلـي محدن يجيب العلـم محـدن يدلـي دبّل قروشك عام سبعه وعشريـن قلت المشوره قالو السهـم سابـك إمية سهم فالمحفظه مـن حسابـك هذي عروس السوق حظك رسابك دبّل قروشك عام سبعه وعشريـن ولاّ المصافي ياعريـب الجـدودي سَهْمَ الملوك وكـلِّ يـومٍ يـزودي لكن حذرا عـن سهمْهـا تنـودي دبّل قروشك عام سبعه وعشريـن وش رايكم فـي سافكـو ياجماعـه قالو بنيّة سابـك مـن الرضاعـه إغرف مادام ان السهم وسْط قاعـه دبّل قروشك عام سبعه وعشريـن قلت الخزف مافيه شـكٍّ ولاريـب والعالم اِني صرت في صيدته ذيـب قالو موفّق والخزف يخْلِف اِبطيـب دبّل قروشك عام سبعه وعشريـن قلت اُم عشْرينٍ وخمسين رمزه (1) بنتٍ تعلّق قلب من شـاف غمْـزه الـدرّه اللـي مـا تغشّـاه همْـزه دبّل قروشك عام سبعه وعشريـن قلت اِبو عشرينٍ وستين طيّب (2) قالـو مضاربهـا كريـمٍ حبـيّـب قلت الهدف قالـو هدفهـا قريّـب دبّل قروشك عام سبعه وعشريـن قلـت الدوائيّـه عساهـا تعيضـي تشفي حظيظٍٍ لـه زمـانٍ مريضـي قالو لي ابشر سَهْمها مـا يغيضـي دبّل قروشك عام سبعه وعشريـن قلت النصيحه وش تقولون بالغـاز قالو مصيبٍ فيه وابرك مـن القـاز ياما تخفّى في عباتـه مـن الغـاز دبّل قروشك عام سبعه وعشريـن والجبس قالو سهْم خمسة نجومـي باكر تشوفه فوق الالفيـنِ يومـي ياسِعْدِ من يمسك عليـه ويصومـي دبّل قروشك عام سبعه وعشريـن قلـت الغذائيـه وقالـو شِريْـكـه إنتاجهـا بالسـوق خُبـزٍ وكيكـه قلت احسبنّـه بالصناعـي مَليكـه دبّل قروشك عام سبعه وعشريـن قلت اِِبو ألفينٍ وميّـه وعَشْـرَه(3) قالـو كلبشـاتٍ تضـرّك بِقِشْـرَه واِنْ كان تدعي قول ربي تحشـره دبّل قروشك عام سبعه وعشريـن قلت اُمِّ ألفينٍ وميّه وعشريـن (4) قالو لقينا النـاس عنهـا مِقفّيـن قلت البلا ؛ قالـو تبِـذّ المساكيـن دبّل قروشك عام سبعه وعشريـن قلت اشْتري صـدْقٍ وقالـو تركّـد نخاف بكـره مـن خبرهـا تنكّـد اصبر يجيـك العلـم عنهـا موكّـد دبّل قروشك عام سبعه وعشريـن قلت الحسـا يانـاس ولاّ زجاجـي قالو علامك كـنِّ فيـك ارتجاجـي الحر الاشقـر مـا يعـوّد دجاجـي دبّل قروشك عام سبعه وعشريـن قلت اُم ألفينٍ وميّـه وستيـن (5) قالو مضاربها يجيـب الطواعيـن ذا له سنه تطلـع وتنـزل رياليـن دبّل قروشك عام سبعه وعشريـن قلت اللجين وسيسكو ودّي اقحـش كلٍّ يوصّي قالو اُوصاتنـا اِنحـش من طبِّ فيهن حشّو اِرْجِيْلِته حـش دبّل قروشك عام سبعه وعشريـن قلت المشـوره ياجماعـه بفيبكـو الظاهـر اِنّـه ماتقـادي لسيسكـو قالو لي اِنشد عن نَتَاجـه سدفكـو دبّل قروشك عام سبعه وعشريـن قلت الحقيقه جايـزن لـي أنابيـب مدري خطا ياناس ولاّاِنِّي اِمصيـب ولاّ نما ، قالو تـرى لـهْ طلاليـب دبّل قروشك عام سبعه وعشريـن والمعدنيّـه ، قالـو اُمَّ المساميـر جنِّب عنَه ما من وراهـا تباشيـر ياما لِحقْنا مِـن سَهَمْهـا مخاسيـر دبّل قروشك عام سبعه وعشريـن شاوَرْتُهُـم بالكيمـو اُمَّ الدناميـت امضاربه لا هوب حـيٍّ ولامِيـت واللي شراها دبّـل مـن التناهيـت دبّل قروشك عام سبعه وعشريـن والزامل ومِن بعـده اللـي تسمّـى مجموعـةٍ واللغـز فيهـا مِعمّـى من فاز فيهـن راس مالـه تنمّـى دبّل قروشك عام سبعه وعشريـن قلت آخذ الصحـرا و قالـو ترفّـق لاتخدعك بالسـوق نـاسٍ تطفّـق مـا كـل رجـالٍ يحلّـل يـوفّـق دبّل قروشك عام سبعه وعشريـن قلت المراعي له دعايـه وراعـي آخِر سَهَمْ لي بالمجـال الصناعـي ما قيل رجلٍ طـبِّ فيهـا وجاعـي دبّل قروشك عام سبعه وعشريـن قلت السِمنت وقيـل حـاز العلامـه واللي عطاك العلـم حشّـم مقامـه لاشـك نجمـه لامـعٍ باليمـامـه دبّل قروشك عام سبعه وعشريـن قلت الفنـادق قيـل مثـل البنـادق قلـت العقاريـه وقالـو خـنـادق قلت آخذ البحري وقالـو صنـادق دبّل قروشك عام سبعه وعشريـن قلت اِبشرو بالحج جـاك الجماعـيبين المشاعر ياهل العرف ساعـي ويزور ساسكو بنت عمّه رضاعـي دبّل قروشك عام سبعه وعشريـن قلت الضحيـه والضحيـه مواشـي قالـو توقّـع لاتجـي للخشـاشـي قلت الله اكبر فيهِن الرزق ماشـي دبّل قروشك عام سبعه وعشريـن مكه وطيبه مـع عسيـرُ وتهامـه كلٍّ عليهن عـضّ بِسْـرة اِبهامـه الرابح اللي حطِّهِـن فـي حزامـه دبّل قروشك عام سبعه وعشريـن قالـو مبـرّد يالسنافـي تكـسِّـبو الصادرات الهقـوه اِنّـه تنسِّـب وابعد عن التعميـر باكـر تِحسِّـب دبّل قروشك عام سبعه وعشريـن قلت آخذ الباحه وشمـس وثمـاري ولاّفتيحـي مـع جريـر التجـاري حيث اِن له فضل على كـل قـاري دبّل قروشك عام سبعه وعشريـن قالو وعدهن عقب عيـد الضحيّـه اِن كان لك رُوحٍ مع النـاس حيّـه قلت السنـه هـذي علينـا رِخيّـه دبّل قروشك عام سبعه وعشريـن قلت آخذ الكهرب وقالـو عقـار بشطّر عنه كنّك عن الـداب هـارب الناس تدري وين عذب المشـارب دبّل قروشك عام سبعه وعشريـن قلت الزراعه وش تقولـون فيهـا قيل الصراحـه كـل عيـنٍ عليهـا واخصِهـن بيشـه ونـادك تليهـا دبّل قروشك عام سبعه وعشريـن والباقيـات الخيـر فيهِـن تبَيَّـن وان طعت شوري في سهمهِن تليَّن حقَّ النظر فيهـن شـويُّ وتعيَّـن دبّل قروشك عام سبعه وعشريـن والاتِّي(6) الثنتينِ فيهـن وصايـا واشوف بعض الناس عنهن قِصايا والله لاصبر ليـن احقـق رِجايـا دبّل قروشك عام سبعه وعشريـن قلت البنوك وقيل عنهـن حرامـ يغير البلاد اللـي تـورَّع وشامـي والراجحي قبلـه رفيـع المقامـي دبّل قروشك عام سبعه وعشريـن ما باقي الاّ وحدةٍ (7) مـا ذكرتـه وسمه عليها بس انا احرقت كرتـه واللي شرح لي عن نشاطه شكرته دبّل قروشك عام سبعه وعشريـن هذي معاناتي علـى طـول الايـام واقول ما حصّلت يا كـود الاوهـام ليتي مشطِّر عن غرابيل الاسهـام دبّل قروشك عام سبعه وعشريـن واشكر تداول والخليـج وهواميـر وارْفِق لهم مِنّـي تحيّـه وتقديـر حيث اِنهم بين المواقـع مشاهيـر دبّل قروشك عام سبعه وعشريـن الفيصل المشهور مابيـن قوسيـنو الذيب ذيب المنتدى لـهْ محبيـن يالله تثبِّتهُم علـى الحـق والديـن دبّل قروشك عام سبعه وعشريـن وبروكرٍ مِعْـه الشريـف وأمانـي والمحترف والنـور بالبنـت بانـي حطّو لهم بالقلـب قصـر ومبانـي دبّل قروشك عام سبعه وعشريـن والمختصر بالمختصر لـه مقامـه ياما على عِلمـه لقينـا السلامـه والريم له بيـن الموصيـن شامـه دبّل قروشك عام سبعه وعشريـن وابـن مبـارك بالتحاليـل فـنـي والشمريّـه علمهـا مـن مَغَـنِّـي وابو السلابد لا هـرج قـال عنِّـي دبّل قروشك عام سبعه وعشريـن والعذر للي مـا ذكرتـه بالابيـات والشكر موصول لهم طول الاوقـات الله يرزقهم مـن الـزرق طرقـات دبّل قروشك عام سبعه وعشريـن ومن قبل اختم القاف عندي نصيحه واخص به كـل الوجيـه الفليحـه المال عند النـاس مثـل المنيحـه دبّل قروشك عام سبعه وعشريـن زك وتصـدّق لاتطـوِّف زكـاتـك ما تدري ان الموت بطْرف عباتـك ما قيل مالٍ زخرفـو بـه حصاتـك دبّل قروشك عام سبعه وعشريـن والخاتمه صلّو على سيـد الابـرار ما غرّد القمري ومـا طايـرٍ طـار واعداد ما يلفي على البيـت زوار دبَل صلاتك قبل عرض الموازيـن

(1) صافولا. (2) التصنيع . (3) الكابلات . (4) المتطورة .
(5) اميانتيت . (6)شركتـا الاتصـالات . (7) التعاونيـة .

مـــــع تـحــيــات أبـــــي تـــمـــام ( عنيزة )
7/12/1426هـ

[يزيد]

علّم عطاشا .. كود يغفل عنهن هالهامور

[عطاشا]

الله يعطيك العافية


عندي خبر يايزيد مايطوف علينا شي

[طارق]

هههههههههه والله الطاهر يايزيد ان بحسابه ملايين
عطاشا انا لقيت القصيده هذي عند واحد وقلت ابنزله لك انت خصوصا قلت غديه يهون عن الاسهم ويلتفت لنا ...
هههههه بس الطاهر مابك فايده
شكا لكم وشرفتو

[ياهاجري]

تسلم اخوي

والله صدق شاعرها بكل كلمة

الحين العالم ماخذينها موضه وياليتهم يعرفون كيف التعامل معها

ما قول غير الله يرزقنا وياهم كل خير

يعطيك الف عافية اخوي

تحياتي

ياهاجري

[حيران]

يعطيك الف عافية اخوي

تحياتي