مدري غمام أو قتام على الشمس=وإلا سحر (نورة)بنورة على شمس
خلت عربنا يوم تبدي وقاري=غنت على المظهور والطرش والشا امس
كم طفلةٍ متفيئة في ظلاله=وكم زاهدٍ قد ضلته في ظلاله
فالى انتحى فيّ العشي في ظلاله=جرّ القنا بمهجّل الدل واللبس
ياما وطت روضة قلوب الصناديد=وياما هوى مضراب سهمه مع الديد
فإلى شهر بالقد والنهد والجيد=خده سنان حرابهن تفتق الترس
مضراب سهمه ما يعالج بالأميال=إلى نثر قرنٍ على المتن ميّال
حتمٍ فلا من بين هاذيك الأميال=شوق هوى مثله ولا شيف له جنس
لطفٍ حشاها قطعها قطع مهرة=كنّه غزال مريّمه خد مهرة
حكم على قلبي وبه داس مهره=عن لام غيره حيّر الرجل والنفس
لولا دقاق الدر اعْقِد بفاها=وجْلال در ينتثر من شفاها
لا قول خطّ مصوّرٍ قد براها=أو ساحرٍ قاري على أبصارنا الطمس
مهضومة الخصرين ريانة القد=ملتجّة الردفين وردية الخد
إلى انتثر قرنه على المتن وانهدّ=حامت سهوم الموت بإغزالة الخرس
كن القنا قده إلى اهتز وانقاد=عنق المها عنقه والأنهاد قِعّاد
فإلى ضرب قلب الفتى سهمها الحاد=أشعل بصدره واهجٍ يعلن القبس
تمشي من الوركين مشي المقيد=تيهانةٍ لقلوب قومي تصيّد
يا ما بنت قصر بصدري مشيّد=ويا ما محت من ضامري من ثمر غرس
مزبورة الفخذين والجيد متلاع=تضحك شفاه وبارق الخد لماع
ياما دعيته للمواصل ولا طاع=ولا كتب لي رد ما أرسلت بالطرس
من القاصرات الطرف ما رفّ ثوبه=لوصال مشتاقٍ ولا أومت بثوبه
وحشٍ حماها موحش ما وطوا به=للغي فرسانٍ ولا مسها الدبس
توصي وهي في حصنها مستكنّه=كاللولو المكنون يوضي بكنّه
أبدت غرامٍ في ثيابي مكنّه=وآلت لراعي الغي ما يمطخ الخمس
العرض العادي
