الا يالله وان تغفر ذنوب اللي عصاك وتاب=كسيرٍ عند بابك وانت راع الجود والمنه
جهلت إمع الشباب اللي مضى واليوم راسي شاب=ولا بعد المشيب إلا الورع وامتابع السنه
وانا مؤمن واعرف اني تراب ومرجعي لتراب=ومهما رحت ولاٌ جيت قلبي ما ختلف ضنه
اسالك باسمك الأعظم وفضل الطور والأحزاب=ياهاد الرشد تهدي خافقي للرشد وتقنٌه
وسالك ترحم اللي في مهادي شافت الأتعاب=تعابلني وانا قطعة لحم وش يرٌجى منه
وانا ياطول ما كدرت مرقدها بدون اسباب=تبديني عليها جعل مبداها على الجنه
وابوي اللي ربان بحكمته باللين والمشعاب=لمااسقاني علومٍ نافعه غيري جهلهنه
نشاء في طاعة الله للعلوم الطيبه كسٌاب=وتوفى ماتعرض للدروب اللي يردٌنه
اسالك ثم اسالك ياكريمٍ سائله ما خاب=تلبي دعوة اللي منكسر ويجاذب الونه
الى منه ذكر مافات علٌق بالبهام الناب=يودنه هواجيس التحاسيف ويجيبنه
جهل ضمن العباد الجاهله وابك الرجاء غلاٌب=ولا احدٍ من عباد الله ما عنده هنيهنه
تمزع لحم وجهه من حياه وماقفه غصٌاب=وساويسه بعد ماوهقنه وقت لامنه
وجالك خاضعٍ متنه ويسحب خطوة المنصاب=يدينه صِفْر والأمآل في عفوك يسوقنه
ياربي رحمتك فوق الذنوب ولا انقفل لك باب=يابو بابٍ وسيع اذنوب خلقه ما يسدنه
وعدك المغفره لموحدينك واسمك التوٌاب=ولوانه حصل منهم ولوانه ولوانه
العرض العادي
