ياسلامي على اللي يطلب الجوال

[خريزاوي]

بسم الله الرحمه الرحيم

ياسلامي على اللي يطلب الجوال = ا لعب اليوم ثم اعطيك جوالي
الاوادم لك الله كل يوم ابحال = وانت تبحث علينا بعض الاحوالي

[حمد البادي]

مرحبا ياهلا ترحيب عال العال=لوٌ ما نعرفك ياطيب الفالي
ماندور ورى بعض العرب مثقال=كل رجال له موقع ومنزالي

[خريزاوي]

مابغينا على الملعوب ربع اريال = بس نبغى الوناسه بس يالغالي
انت سقها وهت العلم يارجال = كن صاهود يبغى بشت وعقالي

[حمد البادي]

ما نرهبن ولا نسرق ولا نحتال=مثل بعض العرب ياساتر الحالي
يوم صارت كما السلعه مع الدلال=كل شي بثمن وريال بريالي

[صاهود]

عاشوالربع كفو كفو صح لسانك ابوعبدالعزيز صح لسانك خريزاوي

معكم متابع بالصفوف

[حمد البادي]

هلابك اخوي صاهود وش قلت بموضوع الجوال

[خريزاوي]

ليت من ينصب الميزان والمكيال = كان تلقى الاوادم حالها حالي
يركب الثور ثم يقول انا جمال = والمصيبه بعد نادوه جمالي

[حمد البادي]

من يعيش الحياة يشاهد الأهوال=مانته اول ولا انته بالزمن تالي
يوم غنى الوسيمه راعي الموال=قالت الناس يامشينك موالي

[خريزاوي]

انت شاعر وناشك منهم الغربال = والله انه على ماقيل غربالي

وين راحة زحول الدار والعقال = يوم كلن غدى نقاض فتالي

[خريزاوي]

تقل تأخرت عليك يابو عزيز

كان عندي رجال نشب بحلقي عجزت اكتب مير اشوا راح