هذي عنيزة ما تهام ولا ترام

[سليمان الخطيب]

هذه قصيدة عرضة نجدية وردت في كتاب : ( أهازيج الحرب أو شعر العرضه ) للأستاذ عبد الله بن محمد بن خميس..

محمد بن حريول من أهل عنيزة شاعر مشهور على عهد الإمام عبد الله الفيصل أرسل هذه القصيدة اليه من عنيزة يوم حرب المطر

يا راكب من فوق مردوم السنام=عمليّة طي الفيافي من هواه
تلقى ولد فيصل امام من امام=اقره سلام عد ما يقرع هواه
قل له بنا لا يستمع قول االلئام=خذ من كلام الله ولا تبغي سواه
يا حاكم نجد العذي يا حر شام=يا بن الذي كم العرب وأدرك مناه
حنا سلام وكل أوايلنا سلام=وماشين في كل الأوامر للالاه
لاشك خل الزود وهروج الفدام=والبغي فإن البغي يهفي من بغاه
الحرب سقم العين يا الحر القطام=خذ قول من أبدى النصيحة ما كماه
هذي عنيزة ما تهام ولا ترام=مثل الحنيش الحظف يرهب من يراه
من دونها نارد لحيضان الحمام=نرخص عمار غاليات من غلاه
والله لولا الله يا حامي الكمام=ان الضرا من قومكم تشبع ضناه
لو الجدى ربعك تعديت الخيام=مير ان والي العرش مدك من سماه
وقطع النخل ماحل للسادة حرام=الا على الكفار يفهم من قراه
انصح لكل الناس هم ويا العوام=انا النذير لكل من يقرب حماه
بتقدات شيخ دونها يروي الحسام=زامل مروي باللقا حد الشباه