الموت هيِّن والبـلا وش ورا المـوت (متعب التركي)

[عطاشا]

قصيدة الموت هين للشاعر متعب التركي قصيدة معبرة ومؤثرة في نفس الوقت اتمنى ان تحوز على رضاكم

الموت هيِّن والبـلا وش ورا المـوت

عند الحساب .. يهـون سهـم المنايـا

باكر نموت و تصبح قبورنـا بيـوت
وعقب القصـور بضيقـات الزوايـا

فجوف الارض وكل من حولك سكوت
و تعاقبـن بالقبـر عـوج الحنـايـا

يارب يا منجي نبيـك مـن الحـوت
سترك وعفوك يـوم كشـف الخفايـا

باكر ليا جينا علـى داعـي الصـوت
شيبـان واطفـال وشبـاب وصبايـا

ندعي وحنَّـا بيـن باكـي ومبهـوت
ورحنـا لهـا ننقـاد مثـل السبـايـا

يا رب تهديني قبـل لحظـه الفـوت
وتغفـر ذنوبـي يـا كريـم العطايـا
أشكيك همٍ داخـل الصـدر مكبـوت

وأيَّامـي اللـي بالخطـايـا مـلايـا

إن لاذ بك من كان طايـع و مبخـوت

فـي مـن يلـوذ المرتكـب للخطايـا

يا رب يا قادر علـى كـل طاغـوت
لا ياقف اللـي وحّـدوا بـك خزايـا

رحماك لا منّا صحينـا مـن المـوت

واليـا وقفنـا عنـد بابـك عـرايـا

[عبدالرحمن العقيلي]

الله مااجمل مايكتب متعب التركي

إن لاذ بك من كان طايع و مبخـوت

في مـن يلـوذ المرتكـب للخطايـا

والله انه صادق
وهذي من القصائد
الجميله غير التقليدية

لك خالص شكري اخوي عطاشا

اخوك
شاعر

[عطاشا]

اخي شاعر

لك الف شكر
واجمل تحية

[ريان]

تسلم يمناك اخوي عطاشا...
تحياتي لكم..

[عطاشا]

ريان
الله يسلمك وشكرا للمرور

[المظلوم]

السلام عليكم

الله يعطيك العافيه

تحياتي
المظلوم

[ابو سلطان 6]

الله يعطيك العافية اخوي عطاشا

[عطاشا]

المظلوم ـــــــــــ ابو سلطان 6

الله يعافيكم وشكرا لمروركم

[طاوي الشوق]

وما دري شا قول مبدع ولا مميز
قصيده معبره واختيار موفق
تحياتي لك

[دمعه]

مشكووووووووووووور والله يعافيك