xxxx آخـــر موعـــد ....!! xxxx

[أحبه حيل]

xxxxxxxxxxxxxxxxxxxxxxxxxxxxx


xxxx آخر موعد xxxx


له موعد لاروح الليل وياي
0000 أول وآخـــر موعــد مع فتاتــــه

اليوم ما تنفع دموعي ورجواي
0000 اليوم تفصل عن حياتي حياتـــه

اليوم يعطيني بقايا بقاياي
0000 واعطيه انا ماشلت من ذكرياته

اليوم بابدل مشاعر حناياي
0000 يصبح من اخواني وانا من خواته

اليوم يتركني لحالي بدنياي
0000 مجبور يــــقفي لو يزيد التــــفاته

اليوم يخلف عن مماشيه ممشاي
0000 والله ما أضمن من عذابه نجاتــه

لو اتعلق فيه ما ينفع ابكاي
0000 خلاص فات الوقت واعلن فواتـه

اليوم بعطيه العزا عقب فرقاي
0000 عندي خبر وش قيمتي في حياته

وانا العزا مابيه من كبر بلواي
0000 ماينفع اللي عاش واعلن وفاتــه

يارحمة الله ساعديهم بسلواي
0000 يعوضه الله بانكسار امنياتــــــه

اليوم ياهمي وياطول مسراي
0000 يافرحة العذال وأهل الشماتــــه


الشاعره عابرة سبيل - رحمها الله

xxxxxxxxxxxxxxxxxxxxxxxxxxxxx