لا تشتكي - عبدالعزيز السناني

[يزيد]

قصيده نشرت في جريدة الجزيرة يوم الثلاثاء 8 / 6 / 1427 هـ للشاعر عبدالعزيز العبدالله السناني

لا تشتكي من جور الايام للناس
أدفن همومك في ثرى الصمت كله
أسرار عمرك خلها تحت الانفاس
لا صار هراج القفى ما فطن له
هذاك يفرح لا لمس جرح الاحساس
وهذا مناه إليا لقى فيك عله
جو الربيع بعجة الصيف ينحاس
لاجت هروج ما تجي في محله
داعب هموم الليل لاهب نسناس
وعطه الخير من قلب خلٍ لخله
قله حبيبك ما وطى قلبه الياس
حتى عذابك بالهوى جايز له
تعيش بالوجدان ما عاش هالراس
لولاك قلي ويش انا عايش له
إن زانت الايام ياشوق لاباس
وإلا صبرنا لين ربك يحله

وهذي لعطاشا