يا علي أبصر لي ترى البصر لي عمس

[روح التميمي]

يا علي أبصر لي ترى البصر لي عمس

يا علي أبصر لي ترى البصر لي عمس=واعز تالي ضيع الفكر غطروف
( )
ما ابصرت في حالي من أمسٍ وقبل أمس=لحد وأنا احسبك ترى الحال وتروف
( )
أنا من أمس وخاطري والبصر عمس=ويلاه من مدمي الالحاظ مصروف
( )
غرو غرير خضب الخمس بالخمس=لي بالحرج يا عد وانا منه مشغوف
( )
قلت السبب يا من بخدّه لنا الطمس=يا من كسا متنيه طوف على طوف
( )
يا من محاسن غرته كنها الشمس=يا من حجاجه لي به الأمن والخوف
( )
لي قال جان الصد والبعد منك أمس=كليت ونا ارجيك وادعيك معروف
( )
وسليت قلبي بالتعازي وهو حمس=وسليت ودك من فوادي وأنا اشوف
ورفيت زلاتك خمس بثر خمس=وشربت مر الصبر بالصبر بالجوف
( )


وصبرت لين انه تبيّن لي الرمس=وصدّرت عنك وحِرّم الوصل والشوف
( )
حلفت له بحياة من درّج العنس=واحيا الحيا وامسى من الوبل مريوف ( )
فلا سليت ولا تناسيت لك أنس=إلا ولك ود على الحي به نوف
( )
ولا أنساك حزة مسة الركن بالخمس=بين اليماني والحجر كنت أنا اطوف