طعتي غرورك

[تركي الجسّاس]

الأخوه الأفاضل في مدينة الشعر والشعراء عنيزه الغاليه هذه مصافحتي الأولى أتمنى من العلي القدير أن تنال الرضاء وأن يمتد التواصل وعلى الخير نلتقي فإلى متواضعتي :

طعتي غرورك

من هو بدأ بالصد ياداعج العين!=وألا خلاص اليوم طعتي غرورك
ياماعرفتك بالوفاء عدة سنين=مامر يوم ٍ قد تغيّر شعورك
وياما غدينا روح مابين جسمين=أما تزور القلب وألاّ يزورك
وياكم عشقتك طفلة ٍ كلها زين=تسكن بصدري والحنايا تدورك
ورده وغارت من سببك الرياحين=وأنا الغريق بوسط غبّة بحورك
كنتي عنيده لكن إنك على الدين=مهما تغيبي وافيه في حضورك
واليوم طعتي صحبة ٍ للشياطين=اللي هدفها تبعدك عن سرورك
ياكيف قلبك يستمع للمقفين!=اللي تحاول تمنعك عن عبورك
أرجوك جنّب الردى والرديين=حكّم ضميرك وأفهم اليوم دورك
وأترك كلام ملفقين العناوين=من شان تصفي يالحبيبه أمورك

تقديري للجميع
أبوعبدالرحمن
الرياض