....
يانخلة السكّر
أعشق أنا تمرك
خطوي ومشواري
واقف تحت أمرك
واسيني في ظلك
وأهديني من صبرك
وإصحي يا بنت الماء
من ليلك
لفجرك
خلي جريد الصبح
يختال
من طُهرك
أيا جميلة طول
في منظرك
سِحرك
وجنبك جدار الطين
وريحته
عطرك ..!
...........
....أيّ هَمٍّ في حياتي
قد سرق مني الحياة
وين ما سافر خيالي
وين ما أبعد
لقاه
خبريني يا ليالي
وأنقذيني من سؤالي
البدايه من ظلامك
والنهايه منتهاه
ماضيه أيام عمري
في مسافات الوشاه
وأحترق في ضو صبري
وبين عصري
وبين ظُهري
ما لقت نفسي ضحاه..!
....
غايبين
وساهرين
ومتعبين
والرسايل موجعه
بالصدّ
وحروف الحنين
ولنا كتابٍ من غياب
نقراه في دمعات عين
وفي خُطى للراحلين
وأنا وأنتي قصتين
في بدايتنا وله
وفي نهايتنا أنين
ونختلف عن بعضنا
في كل شيء
إلا الألم
متشابهين
اغسلي بماء المطر
أملاح دمعك
وامسحي عَرق الجبين
يا عسى ربك يعي
..
ما أسرع الدنيا وما أقصر الوقت
واللي ذكرته أمس .. فجأه نسيته
كذبّت أنا دنياي وللحلم صدّقت
وأخفيت بعض أسرار برأيٍ وعيته
وجربت أنا حظي واخترت واشتقت
واللي جفاني اليوم بسرّي جفيته
يا ضحكة همومي لي عام ما رقت
لاني أخذت الحب ولاني عطيته
...
برد
وأنامل ترتعش
ولا دفى
بضمة كفوف
وأشوف
في ذيك الطيوف
ألوان ماء
ولمعة سراب
وأحسّ ريبه في خُطى
ولمحات خوف
وأناظر الجمرات
في قلب الحطب
تكتب أسى
وتحرق حروف..!
2023, 06:31 AM
المواضيع المتشابهه
العرض الشجري