حبك غدا في خبر كان

[روح التميمي]

يقول لي ..وش بك..؟ تغيرتي مره !!=ماهمّك اني منك.... زعلان ..زعلان

واقول له .. توّك عليّ تشرّه=يامعاندي.... حبك غدا في خبر كان

الله اكبر .... ياما شفت المضرّه=والا القهر منك.. له اشكال والوان

ادعي الهي دوم .... يارب ورّه=رماد حبي.. عقب ماكان نيران

تجيه يارب.. من الصد حرّه=تنهي غرور.. زايد فيه بهتان

تبارك الله.... الباس لله درّه=والا الصبر.. محمود في بعض الاحيان

قلبي تغيّر عنه.... ياناس سرّه=ينساه ..وتنسى دمعه الهم الاجفان

مادام قلبي.... خالي منه مرّه =والله ثم والله.... ماهوب ندمان