افدي المملوح

[ماجدونا]

الله اقوى من حبيبٍ زاد همي = زاد همي في ليالٍ طايلاتي
زاد همي من هواه وزاد غمي = من لحظني فدوةٍ له هالحياتي
من لحظني يا حمد للحال سمي = ارث بقلبي جروحٍ صاطياتي
افدي المملوح في حالي ودمي = وافدي المملوح في جملة غناتي
يا صغيرٍ نهدها ما عاد زمي = والشعر ذيل المهار السابقاتي
ريحها الريحان يوم انه يشمي = عودها زملوق في وسط الفلاتي
هيض القلب المشقى يابن عمي = زينةٍ تطغى على كل البناتي
والهوى ما فيه للعالم تحمي = والغلا لهل الغلا والطيباتي