وش فرق يوم العيد عـن بـاق الايـام=إلا ان يــوم العـيـد يَـحْـرُم صـيـامـه
عـيّـت تـفـك المـيـم مدبـولـة الـــلاّم=يــومٍ ثقـيـل ولـيـل دامــس ظـلامــه
لــو البـشـر تسربـلـت كـــل هـنــدام=بـالـكـاد تـلـمـح بالـشـفـاه إبتـسـامـه
اصـدور مشحونـه وتجـتـرّ الاوهــام=وعيـون تلحـظ فـي طرفـهـا مـلامـه
وانـا بـلاي اللـي سبانـي مـن الـعـام=بـيـديـه قـلـبـي عـهـدتـه وسـتـلامــه
دنّـق علـيـه وشـالـه بلـطـف وريــام=وخـتـم علـيـه بخـتـم جــودة عـلامـه
ذي والله الجوده ، ماهي جودة أختام=جـــودة نـقــاء وكـبـريـاء وفـخـامـه
بنت الرجـال اللـي يـرزّون الاعـلام=أهـل الـوفـاء والمرجـلـه والشهـامـه
ماهيب من طقـة هـل المايـك والكـام=ثـقـل وعـقــل ، لـوإنـهـا مستـهـامـه
يابـارز العلويـه ، المـوت ، والـسّـام=بـروزهــا زاد الـوسـامــه وســامــه
بيني وبينك رمـز فـي روس الاقـلام=ونـــا فـهـيــمٍ وانــتــي أم الـفـهـامـه
مـادام حبـك مضـرمٍ قلـبـي اضــرام=وعينـي عليـك اتـرفّ رفّ الغمـامـه
علـى طريقـي سـجـي الـرجـل قــدام=أنــا فــداء راســك وابــوه وعمـامـه
خَلِّي طريق الخوف ، والخوف هـدّام=ماتنقضـي حاجـات مرخـي عظـامـه
العرض الشجري