ياونتاه اللي برت جـــسم حالي (سليمان ابن شريم)

[عطاشا]

قصيدةللشاعر سليمان بن شريم وهي من القصائد المشهورة

ياونتاه اللي برت جـــسم حالي ===بري الدبا نبنوب غصن تغشــــــلاه
على عشيـر بالموده صـــفا لي ===وازريت أنوش حماه وانا اتـــــــعداه
غرو جبينه مثل خـط الــــهلالي ===سبحان رب صـوره ليـن ســــــــواه
وحيـاة رب كمله بالجمالــــــــي ===من مفرق الهامه إلى حد ماطـــاه
انه منول وامس واليوم غـــــالي ===واتلى زمانه بالغلا مثل مــــــــبداه
ماله حلي إلا مـودة عيـــــــالي ===ا صغر عيالي بالغلا كــــــــــــنه إياه
لا ابطيب ماشفته وهو ماعنالي ===عفت المكان اللي يغيظه ويـــجفاه
لو دلهوني عنه مانيب ســــالي ===اشفق على شوفه واهوجس بطرياه
شوفه دواي وقل شوفه زوالــي ===حكيم طب جامع داه ......... ودواه
حقه على إلى تزخـرف قبـــالي ===ابعد مزاره بالهوى واتمـــــــــــــنـاه
وحقي عليه إلى اعترض له مجالي ===يصفح ويلقاني على الطول والـقاه
مابه من العذروب عنق الغزالـي ===إلا الزمان اللي حداني وعــــــــداه
ريقه حلا من در عفر متــــــــالي ===لا ورحن من مدفق سـال مجــــراه
هبي بريحه ياهــــبوب الشمالي ===كود الجنوب ومطلع الشمس تنصاه
عبث صبيت لعشرته من صبا لي ===سجلي بنجله والموده مـــــــجازاه
ياما وياما فرقتنا اللــــــــــــــيالي ===نجع مقيم وفرق البعد لامـــــــــــاه
أقفت مراحيله وانا اقفت رحالي ===خليت مداهيله وعميت ركايــــــــاه
وخان الزمان بعشرته والـــتوالي ===ورثت من يصفق شماله بيــــــــمناه
وعضيت بسرة شاهدي من هبالي ===وونيت ونة من نقــــــــــــل داه برداه
اسهر إلى نام المعافى لحـــــــالي ===والصبح اجدد ذكر حـــــــمام واسماه
هني دحـش دب الايام ســــــــالي ===ماولعه طرد العماهــــــــــــيج واغراه
ولا صلاه من التصاريف صـــــــــالي ===وذاق الفراق وتاه مثلي بمســــــراه
ياطول ماطاوع نسيم الـــــــهوا لي ===من قبل يبدي لي من الوقت مجـفاه
واعتظت من عقب الجديد السمالي ===ولا ينفع الفايت ولو قيل محـــــــــلاه
ليتي قريـب له وبيته موالـــــــــــي ===والعلم من بيني وبينه مناجــــــــــاه
ان كان له بمواجهي مــــــثل مالي ===وقلبي معه يبراه والهم يــــــــــــبراه
وإلا تراني عنه طاون حـــــــــــبالي ===يلقى وانا القى واحد كنه إيـــــــــــاه
مانيب من يتبع خفيف الخـــــــيالي ===إلى تحدر بارقه عفت مرعـــــــــــــاه
هذا وصلوا عد رمل الـــــــــسهالي ===على نبي (ن) شيع الدين واحياه
وآله وصحبه كلهم بالـــــــــــكمالي === واللي تبع سنة نبيه ومجـــــــــــــراه

سليمان بن شريم

[عبدالرحمن العقيلي]

عطاشا
وش تبين اقول لك
ماشاء الله تبارك الله
جهد مميز من اول ايام المنتدى
اعتقد انك من اكبر المكاسب
لمنتدى الطيار
اختيارك لهذه القصيده يدل
على انك متذوق من النوع الخاص
لك اعجابي وتقديري
اخوك
شاعر

[عطاشا]

اخوي شاعر
لك الف شكر على الكلام الجميل اللي قلته بحقي
وهو ان دل على شيء إنما يدل على طيب معدنك وحسن خلقك
وابن شريم ماقال قصيدة ماهي جزلة جميع قصائده من افضل ماقيل في الشعر
وترانا ماسوينا شي ولجل ابو ناصر والمدير العام والمشرفين واعضاء المنتدى
وجماهير ابو ناصر نبي نسوي كل ما نقدر عليه والله يقدرنا ونرضيكم
شكرا لك مرة ثانية والله يعطيك العافية على المجهود اللي تبذله في سبيل انجاح منتدى ابو ناصر
وتقبل اجمل تحياتي


اخوك

عطاشا

[قبل ترحل]

يلوموني فيك ..

مشكووور .. ولاهنت ..

[عطاشا]

اخوي قبل ترحل
مشكور والله لا يهينك
تحياتي

[المظلوم]

السلام عليكم
قمة البلاغة في الوصف وجزالة الأبيات
واختيارك لهذه القصيده إن دل على شيء
فإنما يدل على ذوقك الراقي
وحسك المرهف

تسلم يمينك ياعطاشا

وتقبل تحياتي
المظلوم

[ابو سلطان 6]

الله مير يسلمك ويخليك لعين ترجيك
قصيدة ولا اأروع

[عاشق فهد عبدالمحسن]

وربي انت مبدع بمعنى الكلمه ياعطاشا

[عطاشا]

اخواني
المظلوم ـــــــــــــــــــــ ابو سلطان ـــــــــــــــــــــــ عاشق فهد
الف تحية لكم وشكرا لمروركم

[مزاجي]

تنوع وابداع ياعطاشا
الله يعطيك العافيه وماقصرت