متنبي الشعر النبطي .. الشاعر العلم ( سليمان بن شريم ) رحمه الله

[ماجدونا]

السلام عليكم ...


هذي قصيده للشاعر سليمان بن شريم .. رحمه الله .

وتشال سامري وحوطي في جميع انحاء الجزيره العربيه .. وله شهره واسعه

سرى البارق اللي له زمانين ما سرى = صدوق المخايل بارقه يجذب الساري

على فرعة الوادي وسيله تحدّرا = وغنت طيور الما على حاير الجاري

مرامي غزال عقب عرفه تنكرا = عليه الله اكبر كل ما حل له طاري

برى الجرح منه , ومني الجرح ما برا = وهو يحسب انه يوم طال المدى باري

نطحني بجزّ الثوب حدر المشجرا = جميل المحاسن لا ضخيم ولا عاري

ابو لبة مثل القمر ضاح واسفرا = والى غابت القمرا تقدى به الساري

تراى سلبة العاتق الى صدّ ما درا = كما سلبة العرجون في صفحة الذاري

صويب الهوى مسكين مشيه على ورا = ترى النقص فيه وحيله اقوى من الضاري

[ماجدونا]

السلام عليكم ..

وهذي احدى روائع بن شريم .. رحمه الله .

يا غـزال نطحنـي قايـد للجميلـه =نمره أول من أول ما بعد صار تالـي


كل ما جيت ابا قف له وديره بحيلـه = استدار الهوى عقب الجنوب الشمالي


خابر انه ربيب بلاد ما ينحبـي لـه = واثر ما زاد من ولفي يزيده جفالـي


يا حلي ّ العنود اللي عيونه كحيلـه =علنّي من شهد ريق شربته لحالـي


ليتني وانت يالغالي سنيـن طويلـه = لين تمحى من البيدا رسوم الجبالـي


كلما جيت أبد له عن طويل الجديلـه = يشفع الحب الاول ثم ينسـاح بالـي


يا محمد قصير الهرج يقطع طويلـه = والله اني فلا اسلى عنه دبّ الليالـي


ان بغى يضفي الحسنى ويرضي قبيله = يستبيحه ويدمح له الى صار غالـي


سالفة قولة ابا انساه والقـى بديلـه = مثل من يرخص النيره ويغلي الريالي


كن في عينه اليمنى سيوف صقيلـه = شرّفوها هل العادات يـوم القتالـي


كن في عينه اليسرى غروس ظليلـه = زاهيه مع طلوع الشمس ري وعدالي