محمد العبيدالله - أخاف من الندم

[يزيد]

برضه هذي قصيده لقيته بجريدة الجزيرة اليوم ( مدهرين الجزيرة ماشاء الله عليهم )

لشاعرنا الكبير محمد العبيدالله

زماني للتحدي كل يومٍ فاتحٍ له باب

يجيب امن الهموم اللي عجزت أقوى وعبّرها

وش اشكي من زماني ويش اخلي ما يفيد اعتاب

عسى اللي دبّر الدنيا وما فيها يدبّرها

أنا فيما مضى صابر ولكن الصبر ما ثاب

اشوف امصيبتي صبرى على قلبي يكبّرها

عرفت ان الصبر في حالةٍ مكسب وحال انشاب

إلى راحت حياتك وانت بالضيقه مصبّرها

ولكن وش يسوى من فقد من كفه المقضاب

طفا نور الليال اللي قضاها عمره يسبّرها

ينام اللي من اهمومه ضميره ما عليه اتعاب

ونا عبرات ضيقي في حشا صدري مزبّرها

دموعي فوق خدي من نظيري بالدجا سكاب

على خضر الرياض اللي رضت باللي يغبّرها

نفيضٍ في سماها ترتجي سيله وهو كذّاب

لو انه تستغيث من الظمأ بأعلى منابرها

حسايف كان مثله يأمن الدنيا ولا يرتاب

يسج ابضحكها له ما يفكّر في مخابرها

اخاف من الندم يوم الندم ما يبري المنصاب

إلى من الزمن بيّن غثاها من عنابرها

الا يا ليت قلبي ما درى باللي جرى لو ذاب

غديت اللي قطع رجله وهو قصده يجبّرها

ونا مما معي من حر قلبي يوم ظني خاب

مشت يمناي من فوق الورق قلبي يخبرها

[عطاشا]

صح لسان الشاعر محمد العبيدالله وشكرا لك على نقل القصيدة

شكلك مشترك بالجريدة على شان الجوال مثلي

[السمسار]

مشكور على القصيدة يايزيد اللي الصراحة تدل على حسن ذوقك ..

وأنت ياعطاشا ماتشترك وتزين شي إلا بطمع ..

[طارق]

عوافي يايزيد قصيدة رائعه .... وجوال اروع بس مافيه كاميرا