من قصايد ابو ماجد ( رحمه الله ) هذي القصيده خفيفة الروح والاسلوب تحوي جميع المحسنات البديعيه من جناس وطباق وايضا معاني و وخزات إجتماعيه صاغها الشاعر بأسلوب جميل يشابه اسلوب الشاعر / حميدان الشويعر ( حمد السياري ) :-
انا من ثقتي في روحي = مانيب استبشع منضوحي
اسري واجري واسرح وامرح = وآخذ واعطي وابخص واوحي
غديت حميدانن ثاني = حيث انه بالشعر إمزوحي
كل له طبع يمشي به = مسبوب الطبع او ممدوحي
احد طبعه ينفع ربعه = واحد يالله روحي روحي
احد ماله حدر انعاله = باب للواجب مفتوحي
واحد خيره ينفع غيره = ما له من ماله مصلوحي
واحد كرشه ياكل قرشه = غرب للثروة مبطوحي
واحد عينه تخلف دينه = مشفوح دايم ملفوحي
واحد ذرعه يكسي فرعه = واحد ثوبه فيه اشروحي
واحد هرجه يترس خرجه = لكن ثلثينه مملوحي
واحد علمه لو هو كلمه = يجوح المعنى لك جوحي
واحد غده واسحب سده = يموح اسراره لك موحي
واحد عقله فوق الدقله = والعقل الثاني يا روحي
واحد كاره يوذي جاره = دايم باب أثمه مفتوحي
واحد هوزه سبة فوزه = من شطر امناحه ممنوحي
واحد فيده خرق بيده = يطلى ماله طلي اللوحي
واحد ستة تاكل سبعه = لو انه بالسوق انطوحي
تنقض فتله لاقالت له = بالغرب مصدر وامحوحي
واحد مع نسله يا فسله = بعيونه مثل الذرنوحي
واحد من شوقه لعروقه = يضحك لو انه مجروحي
واحد فوده يشتم عوده = ينبح به مثل النبوحي
هذا حقه ياكل ( ... ) = لو انه بالمجلس يوحي
واحد من وزنه يا حزنه = رجحه من يم اللحلوحي
واحد من كيله يا ويله = كيله بالمكيال سموحي
واحد شعره يرخص سعره = لو هو مدفع حرب افتوحي
واحد نظمه يكسي عظمه = لو راس افكاره مرضوحي
يعطى رشمه لو هو كشمه = لا ذابح ولا مذبوحي
هذا قافي في ميقافي = بين الناصح والمنصوحي
* ( ...) تفهم من سياق النص
2007, 11:27 PM
المواضيع المتشابهه
العرض العادي
