إلاهي تداركني بتوبه قبل لموت=ويكشف غطاي وتشخص إحداد نظراتي
ويدنا النعش ولا يدنٌا لي التابوت=مقيم أو مسافر دار من عرض سفراتي
ونا تايهٍ في ليل غدرا حفيٌ إسبوت=ما غير أتهبٌد في دروب المتاهاتي
تماديت مع نفسي ومع حبلها المفلوت=لمى صرت أسير إلمغرياتي ولذاتي
ونا والله إني ولد أجاويد وبن إسموت=جدودي هل الدين الحنيفي وجداتي
لواني سلمت من الغواني حسان الصوت=حبايل بليس اللي سبب كل عثراتي
تولعت فيهن ورع وبمجتمع مكبوت=يحرٌم على القلب الجريح التٌنهاتي
عزلنا وفرقنا طرايق قدد وشتوت=ولاباقي إلا عزلة العنز والشاتي
فضاء الله رحب وضيقوا واسعٍ ممتوت=حسب مقتضى الرغبات والإحتياجاتي
وش اللي محرم نجد ومحللٍ بيروت=ماغير إختلاف الأمزجه والثقافاتي
حياةٍ رتيبه مالها الا صبر وسكوت= بليا عزاً لاهل النفوس العزيزاتي
أنا واضحٍ ماني منافق ولا هفلوت=كلامي صريح بماضي الوقت والآتي
ما هي رهبنة دجل وتمسوك وجر ابشوت=مضاهر ورع والله عليم الخفياتي
إلاهي وجاهي فزعتك قبل فوت الفوت=يارب الأراضين ويارب السماواتي
ياسامع مناجاة المغاضب ببطن الحوت=أنا في رجاء عفوك وسترك لزلاتي
العرض العادي
