يعز الفتى مادام راسه عزيز الصيت

[سعيد محسن الحريص]

عسى الله يغفر زلتي كلما زلييت =و عسى الله يعصمني عن الذنب و الزله
قبل لايجي وقتـ[ن] ماينفع يالو اوليت = بما قدمت يمناي ماتنفع الشله
في يومن مافيه إلآ الاجابه وماسويت=ماتنفع به الاعذار والا الندم لله
وعسى الله يرحمني وانا حي والا ميت=وعسى الله يثبتني على الدين والمله
وعسى الله يغنيني عن النذل مامديت= له الكف ادور حاجتي والبخل دله
وعسى الله يحبب في خلقه لارحت وجيت=مادام إن لي اسمـ[ن] ينآدى على حله
اخذت العبر من تجربة عمر به مريت= ماهي سالفه والا حكايه ولاخله
واخذت الدروس الي بها من صغر وصييت= وزليتها وصد الصدر زلت الدله
يعز الفتى مادام راسه عزيز الصيت= ويذل الفتى لاراح يمشي على ظله