عندما يفيض خيال الشاعر ( 3 )

[ابوسحر]

	يحدث أن تتأثر بموقف . . . فيملي عليك الوجدان . . . مقطع شعري قصير

. .

( 7 )




أنا ارتبطت وخل قلبك دليلك

ياصاحبي اليوم وينك وويني

دنياك يالمذكور ماتستوي لك

لاشك عبّرها وربك يعيني

قال المثل ترى طليبك خليلك

حياتنا من ذكريات السنيني





( 8 )


قلت الوداع وقالت الله يخليك

لا تطول الغيبات ياسيد عيني

اذكر عيونٍ تسهر الليل ترجيك

لما سواد الليل نوره يبيني

الله يفرج كربة بي واخاويك

واسعدك واسعد فيك واطفي حنيني

واجيبلك طفل عن الناس يغنيك

لاضاق صدرك قلت هاتي ظنيني





( 9 )


أفتخر في عنيزة ديرتي ياجماعة

موجب انه على نفسي بلادٍ عزيزة

أطيب أرض القصيم بحلو ماه وزراعة

واهلها بالوفا فيهم على الناس ميزة

ياعسى حظها ياناس ينهض شراعة

ترتفع راية الفيحاء وتصبح ركيزة

تسحر اللي يجينا لو يجي ربع ساعة

بالطبيعة من أيام الظبط والخريزة

الله انه يعمر ديرة اهل الشجاعة

صيف قلبي ومرباعه تراها عنيزة



( 10 )




قال المجهول :

اثر العمى لو يفتح العينين

فان كان يظهرنا عن الديره



رد الكريدا فوراً :


يامرحبا بك ياهلا ياشين

كنك هبيل براسك وشيره

محبكم
ابوسحر