خسارة فـضيعــة

[ابوسحر]

مر الزمان وراحت أيـام وأيـام=بيني وبينك في غياب وقطيعـه

ومريت أطالع مابنينا من أحـلام=لقيتها في حال صارت مريعـه

فيها الأمل متحول كلـه أوهـام=وفيها الغلى ميت وهو في ربيعه

وفيها زهر ذابل وأثرموضع أقدام=وقلوب مرسومه وأماني صريعه

ياقسينا باصدارنا بعض الاحكام=على الغلى اللي لجل غلطه نبيعه

مدري على اللوم والا أنت تنلام=بس الوكاد أن الخسارة فضيعـه
0

محبكم
ابوسحر