حيٌ الجواب ومن عنابه وشاله

[حمد البادي]

حي الجواب ومن عنابـه وشالـه=اللي تعنّى لـي وهومتعـبٍ تّلْـف
حيه عـدد ماخـط لفـظ الجلالـه=وعداد ما يمشي علي الخف والظلف
صالح ولد ناصر زعيـم الشكالـه=بالناس تطلّع منه واحد من الالـف
لا شطـت الدنيـا يزيـد احتمالـه=ضلعٍ منيفٍ ومصعده هيـنٍ كلـف
هذا الصديق اللي يضلـل ضلالـه=تفـداه رديـانٍ مغاليقهـا غـلـف
ومن فضل معروفك تـرد المقالـه=للي يقول اقرا كتابي مـن الخلـف
مافي كتابي غيـر طيـب وجمالـه=يبحث بمضمونه من اليا الى الألف
يلقى الفعول اللي ينومـس مجالـه=مواقفٍ ما بـه تِعِنّـت ولا صلـف
حنـا رجـالٍ مانعـرف النـذالـه=ما ننكر الصاحب ولا ننقض الحلف
وان كان يذكر ما مضى من فعالـه=كم صفقةٍ جتني علي صابري شلف
واصد عنها لاجـل حـق الزمالـه=والله بس الحَقّهـا حالـفٍ حلـف
واليوم يوم اقفـى وطـوّى حبالـه=وبعد صفاوة عشرته كَرْبَن البلـف
من صد نلقى وجـه خيـرٍ بدالـه=نلقى وهو يلقى مع أهل الوفا خلف
النفس طابت منـه والقلـب دالـه=ياعل من يتلـي المقفيـن للذلـف