مجموعة قصائد لأبو ماجد

[مظلوم]

أنا بأم القرى من حسبـة الجيـران والسكـان
مـدام السعـر غالـي والله انـي ماتعداهـا
إلى شفت العنب والخوخ والتفـاح والرمـان
جزمت ان الله اول مارشى بالرزق مسعاهـا
علامك بالزعل والضيق من تدخل مع الريعان
عسى اليوم الاخير بوسطها وادفـن بمعلاهـا
نهار يعبد الرحمـن فيـه ويدحـر الشيطـان
على آخر جمرة من حجـة تحمـد سجاياهـا
والى مني ذكرت عنيزةالفيحاءاستشنت بشـان
بلاد فضله رب السمـاء بافضاهـا ورخاهـا
تمنيت ان لي سبق ولي ريش ولـي جنحـان
احلق بالخضيراء ثـم ادورهـا لمـا القاهـا
ترى حب الوطن يكتب على المسلم من الايمان
ومن له ديرةعقب المغيب ان عـاش ينصاهـا
اناافخر في عنيزه والفخر ماهـوب بالبنيـان
ولافـي غرسهـا والابضاحيهـا ولامـاهـا
ولكن الفخر فـي جملـة الشيبـان والشبـان
رجال يوصلـون المرجلـه حـده ومعناهـا
نهارالحرب بالهيجاء تراهـم نقـوة الفرسـان
الى من الوجيه استلبست وارخـت شفاياهـا
لهم مايكفل التاريـخ يـوم مزاعـم الشيخـان
قبل عبدالعزيز بـن سعـود يوحـد اجزاهـا
حلايا مهرة ماهيب تستمـرح لكـل حصـان
تعدي صقلته عنـد المزاعـم عـن قطاياهـا
ترى الماضي يسد اللي يبي يستنطق البرهـان
مخضبة على وضـح النقـى بالـدم يمناهـا
تسوق الطيب لاهل الطيب والعدوان للعـدوان
وتاخذ حقها وافـي ولـو كثـرت ضحاياهـا
ولي بالمفخره فيهم مثـل ترجيحـة الميـزان
على خلق من احسن ما خلـق ربـي بدنياهـا
يحبون الغريب ويحسنـون عنايـة الضيفـان
من الف المرجله فيهم لما تاقف علـى ياهـا
صلاة الله وتسليمه على اللي من نسل عدنـان
نبيّ وضح الخطه مـن اولهـا لمـا اتلاهـا

[مظلوم]

لا باس يا عين ٍ على السهـر حدهـاليـالٍ كمـوتٍ مـا تخـبـر بسـدهـا
الى صفت ساعة زمان علـى الهـوىلابد ما تاخـذ علـى الطـول ضدهـا
سريعـة الاقفـا الـى منـه ادبــرتوِنِيٍ على من كـد جـذت بـه مردهـا
عطوف الى حنت عصوف الى اجنفـتولا كـل مـن شـدّ الحزابـه يشدهـا
اقوله وانا كـد ذقـت جرعـات غلهـاامـورٍ تشيّـب راس مـن يستعدهـا
من ضمنهن غلـي وغيظـي بغربتـياحاتـي فتـوقٍ همتـي مـا تسـدهـا
وانا جالـبٍ نفسـي للاسبـاب كلهـااقـع مشكـلات مذهبـي مـا يودهـا
ولا راغـبٍ فيهـا ولا غابـطٍ بـهـاولا هيب ثـوبٍ لـي ولا نيـب قدهـا
وهي نومست نـاس علينـا وشاهـدوامن العز حفلات عـدا الطـور حدهـا
عدونـا وعادونـا وهـم يبخصونـنـاكما يبخص الحبّـاب صاعـه ومدهـا
فلـو تحكـم الايـام بالعـدل بينـنـانجحنـا ومـن يمنـاه طلقـه يمدهـا
فـلا كـان كاتفنـا زمـان فضايـلـهنفـسٍ يهيّـدهـا ونـفـسٍ يهـدهـا
ولا خضت هالموضوع من شان عيشتيالارزاق غرسـه والتسبـب يجـدهـا
ما دام بي عرقٍ على الصـح يحتـركفالعافيـه ترفـي خلـل مـن يكـدهـا
فلا شك ابا وصيّك يـا ملفـت النظـرالى خفت من دعوى تجاسـر وبدهـا
ولا شفت من ربعك ملـل لا ترومهـماقلـط علـى عقـدة غلاهـم وهدهـا
ولا قابلـوك بصـح بالنصـح لاقهـمولا قيـل ذي حـروة رضاهـم تعدهـا
ترا لك شروط ومنـك للنـاس مثلهـامبـاديٍ شــرع المـكـارم يقـدهـا
ولا يجهل المشروع من جـد واجتهـدسوى من قضب حبل الخياره وصدهـا
ترا ذاك الى منـه هـرج لا تلـد لـهمثل سلعـةٍ عذروبهـا اللـي يردهـا
تمت وصلـى الله علـى سيـد المـلاما هـل واهمـل رايـحٍ فـوق خدهـا
والآل والاصحـاب مـا قلـت باولـهلا باس يا عين علـى السهـر حدهـا

[مظلوم]

قالوا بكيت وقلت ضيق وحماقـهابكي وانادي بالبكا مـن غدالـي
ابكي شره وابكي محبـه وفاقـهوابكي هلع وابكي ولع من هبالي
ابكي وخوذوا من نظيري غلاقهماهوب ودي بس طاري طرالـي
ابكي وانا للدمع مـا بـي لياقـهمليت منديلـي وثوبـي وشالـي
ابكي على حي ٍ صعيب ٍ فراقـهالاول التالـي شريـدة عيالـي
ماجد ترا امك ما خذيته عشاقـهاخذتها من شان تربـة خوالـي
ابيك تعـرف بالوفـا والطلاقـهتاقف اقبال امك وتاقـف اقبالـي
ماجد تراك أدعيت قلبي إحراقـهوانا احسبنك بالوفا راس مالـي
خدعتني وانـا لحمتـي رقاقـهليتك كبير انساك لو انت غالـي
تركتني في هالظـروف الدقاقـهما كن لك في مهبط الوحي والي
ما يمكن ارضى انك تقص العلاقهقدام يظهر من شعـرك الموالـي
اخشى على عقلك بسن الرهاقـهتوك بسـن ٍ مـا ينفـه حبالـي
حاربتني من شان عشق السواقهيالله عسى حظك بها مثل مالـي
خف من جليل الملك يا هاشفاقـهيكفين منك انـي بمكـه لحالـي
ارسلت لك خط ٍ والاخر الحاقـهوالثالث اللي جاك بالزرف خالي
ابيك تزعل كان عنـدك حذاقـهتكتب بدال الزرف خط ٍ هلالـي
خط ٍ يجيني منك كبـر البطاقـهيسوى جميع اللي معي من حلالي
ما جاك مني شي يضر الصداقـهأسألك عن حالك وأبلغـك حالـي
هذا وانا يا بوك ما نيـب عاقـهالحمد للمولـى طـوال ٍ إحبالـي
لا شك مـا ودي تتـم انفهاقـهما اظن تلقى والد ٍ لـك بدالـي
درع ٍ حصين موثقـاتٍ احلاقـهياقف بصفك عند طامن وعالـي
إن طعت شوري خل عندك لباقهلأمك تراها من بنـات الرجالـي
وأعرف ترا حقك بمتنك وساقـهولا ينطح الثقلات غير الجمالـي
اكتب ردود الخط وابرق ابراقـهترا الورق والحبر ماهوب غالي

[مظلوم]

ياهل الموتر اللي من تحت ماهية محمـد المرشـودي
من فضايلك يالسواق خذ خطي ترا الخط خارق عـاده
لا وصلتوا سكاكا الجوف من معروفكم فأبدوا المجهودي
سلموا لي على مقبل سلام العبد لا واجهـوه أسيـاده
ثم قولوا مبارك ويتبـارك مشتـرى دفـة الماهـودي
واعساها عليه من النواصي اللي تقود السعـد بقـلاده
وإن نشدكم عن المملوك قولوا طيبٍ ما عنه منشـودي
مستصح البدن لاشك وقته حابـل لـه بفـخ وصـاده
بالحجـاز أتصبـر وأتجبـر وأتعبـر وأنـا ملهـودي
وأتحزم ببارودي وأجاهد شن يغـث الركيـك جهـاده
والله إن الله أبرك لكن إني جازم إنك تشـد عضـودي
يا سهيل النجوم اللي إليا منـه ظهـر كـذب العـداده

[مظلوم]

قالوا لي الناس وشبـك قلـت انـا مغـري ومجبـوردخيلكـم لا تحـدونـن عـلـى شــرح الحقيـقـه
قالـوا نعالجـك تبـرا قلـت مـا للـحـب دكـتـورالا ان حصـل لـي شـراب ينعـش مـن ذوب ريقـه
قالوا حبيبك وش اسمه قلت قلت مافضح شخص مستورالسـر ماهـوب هـيـن لــه نغالـيـق وثيـقـه
قالـوا تخيـر بدالـه كـان مـنـا تقـبـل الـشـورماحمـل الله علـى المخلـوق حمـل مــا يطيـقـه
قلت النصيحه فضيحه ما شكيـت الكـم مـن الجـورمـن فضلكـم كـل عـذال يـعـود مــع طريـقـه
خلـون فـي رغبتـي والادمـي منـهـي ومـامـورعلـي عـد الليـال إسـيـاع والسـاعـه دقيـقـه
مانسا حبيـب صفـا لـي يـوم هـو مـاوب مكبـوريزورنـي بالفريـق اللـي بعـيـد عــن فريـقـه
اربـع سنيـن تتالـى مـا وطاهـن غيـظ وافـتـوركنـه شقيقـي وانـا كنـي بــلا مـنـه شقيـقـه
واليـوم هـزت بنـا الدنيـا وحـرك قرنـه الـثـورواقفيـت واقفـى وكـل راح فــي كــم وبنيـقـه
مـا كـن جـا بيننـا عشـرة ولا فرحـات واسـرورغــارت عليـنـا امفـرقـة المحبـيـن السبيـقـه
واختامهـا بالـصـلاة وبـسـلام النـفـي الــزوراعـداد مـا قضـوا الحجـاج مـن شـارع اسويقـه

[مظلوم]

اسمـع ياماجـد يالولـدي
مـاودي تـغـر وعــدي
لاقلت إلك إيت أقض اللازم
تجي مـن ملعبـك تعـدي
وإلا جيت ورحت وجيـت
رح زمـر كنـك باستـدي
في فرغاتك ، وإلا المكتب
على التلميـذ أبـدى بـدي
والخميس ويـوم الجمعـة
ييزنـك لعـبٍ وطــردي
فيهن تبـي تشـرح ثوبـك
والطاقيـة منـك تـغـدي
تظهر كنك ولـد الكعكـي
وتدخل كنـك ولـد قعـدي
وأنـا ماعمـري هاوشتـك
ولا طخطختك فـي يـدي
إن أقبلت أضحك في وجهك
وإن أقفيـت أقـول بعـدي
حيث إن الوالد كـد طقـن
طقن عن حيلـي وجهـدي
عنـده محجـان للقـربـه
ووزان المحجـان وتـدي
يعلقنـي مـثـل العـكـه
ولا أدري وشلـون أغـدي
يطقـن طـق مـا أطيقـه
طقٍ يدلـع غـرب جلـدي
أصيـح مـن أول باكـوره
ويخلـب برقـي ورعـدي
تجي الخالـة تتفـزع لـي
وتعـود مـن قـولـة ددي
لو إن أمـي عنـدي حيـة
ماطـاح بيارقـي تـعـدي
وهو طقـه حـب ظاهـر
يحسـب إن الطـق يهـدي
والطـق يوحـش وينحـش
خليتـه وأرخصـت بلـدي
طيـرت بجنحـان الغربـة
مثل اللي بالرمـي محـدي
كثر الأمراض أصل الحكمه
علـمٍ مـا سـواه ربـدي
وذا مـن حظـك ياماجـد
وإلا أبيـك حـظـه ردي

[مظلوم]

عفى الله عن عين على السهر حدها
ليـال كتـوم مـا تخبـر بسدهـا
إلى صفت ساعة زمان على القسـا
لابد ما تأخذ على الطـول ضدهـا
لاشك أبا أوصيك ياملفـت النظـر
إلى خفت من دعوى تجاسر وبدها
وإلا شفت من ربعك ملل لا ترومهم
اقلط على عقدت غلاهـم وهدهـا
وإلا قابلوك بنصح بالنصـح لاقهـم
وإلا قيل ذي حروة رضاهم تعدهـا

[مظلوم]

يقـول المـزاول والــزوال وكــاد
الأقـدار تجـري والطريـق قـصـاد
لابـد مـن يـومٍ يـزل إبـه الـقـدم
والـروح طيـر وكـل طيـر يصـاد
نغالـي بهالدنـيـا وحـنـا عمـارنـا
عـواري لمجنـاهـا القـديـم تـعـاد
مثـل لهبـة شبـت بليلـة وجـمـرت
والصبـح يذراهـا الهـبـوب رمــاد
أقوله وأنا اللي واطيٍ خطـة الخطـر
مثـل الـذي ياطـا السريـح عـنـاد
تهاونت فـي دينـي بدنيـاي بالجهـل
وأنـا والله إنـي مـن عيـال أجـواد
أرجي إله العرش ماخـاب مـن رجـا
عــلام مايخـفـى بـكـل فـــواد
ربٍ بسـط سبـعٍ بحكمـه ودبـرتـه
وسـبـع معلقـهـن بغـيـر عـمـاد
أرجيـه ثـم أرجيـه يدمـح زلـتـي
ويمحـى بنـور الديـن كـل ســواد
من خلف ذا أوصيـك ياسامـع المثـل
وصـاة يدرجـهـا علـيـك اسـتـاد
إن وافقـت تـرى ثمنـهـا قبولـهـا
وإلا فـعـلـى راع الـوصــاة رداد
احسب حساب إنك مسافر عن الوطـن
غـريـب دار وللغـريـب بـــلاد
لابد ماترحـل علـى السـرع والبطـا
لاركبـت الدسـتـه عـلـى الـعـداد
العـود لـه ساعـة وللطفـل مثلـهـا
كـبـيــر وإلا بـالـمـهــاد ولاد
إن طعتني دور عـن الضيـق بالسعـه
هـذي خـلاصـة كـيـره الـحـداد
عليك خمس فروض مفـروض وقتهـا
الله لـعـبـده حـــدد الـمـيـعـاد
إلـى دعـا داع الفـلاح اسمـع النـدا
اغسـل وصــل بخـاطـرٍ منـقـاد
ولاتـهـاون برمـضـان وصـومـه
تقضـي علـى ديـنـك بلقـمـة زاد
هن النفـس عـن نوهاتهـا وشهواتهـا
ترى النفس تبـي مـن اللـزوم جهـاد
والحج مفروضٍ على اليسـر والسعـة
علـى كـل حـيٍّ ينـطـح المسـنـاد
هنـي مـن حـج الفريضـة وزادهـا
للبيـت والبـيـت الشـريـف يـعـاد
واحفظ لسانـك لاتطـول لـه المـدى
تـرى اللسـان أمضـى مـن البـولاد
والصدق خله لك حصان على الطلـب
تـرى الكـذب خيبـه لاتقـول جـواد
ياسرع ماياقـع علـى الخـد صاحبـه
لوهـو مثـل عنـتـر بــن شــداد
ولا تصحب الخيبه ولا تضمر الـردى
وخـذ عـن دروب المشكـلات حيـاد
والجار له حـق علـى الجـار بالوفـا
لاخـيـب الله سـيــرة الأمـجــاد
والمـال زك المـال ثـم ادفـع البـلا
مــن مابـقـى وإلا عـسـاه نـفـاد
فـي ظـل عاهلـنـا سـعـود الأول
اللـي بعهـده كــل شــي ســاد
جـزا الله راع الخيـر بالخيـر والثنـا
منـا لـمـن لــه بالجمـيـل آيــاد
سهـرٍ علـى شعبـه وسهـرٍ فيصـل
بالمصلحـة وإحبـاط كــل فـسـاد
المملكـة تاهـت ولبسـت مصاغـهـا
أعـيـذهـا بالله مـــن الـحـسـاد
إن قلت مصر أو شام ما أدركت وصفها
ولبـنـان والإردن عـلـى بـغــداد
وإن قلت واشنطن ولندن مـع أسمـرا
والصيـن واللـي مـن وراهـن غـاد
أو موسكو والسنـد والهنـد والحبـش
أيـضـا وغلقـهـن بجـنـة عــاد
بالوصـف والتمييـز والقـدر دونهـا
جمـيـع وإلا يـعـرضـن أفـــراد
الله فـرض علـى العمـوم احترامهـا
حيـث إنهـا هــي قبـلـة العـبـاد
وختامها بأزكـى صـلاة علـى النبـي
مـاهـل وبــل وحلـتـم الـرعـاد
والآل والأصحاب مـا يجـري النظـر
أومـا جـرى خـط القـلـم بـمـداد

[ياسر التميمي]

عزيزي مظلوم جهد رائع يستحق الأشاده ..

ولكن أرجو ان تكون كل قصيده بموضوع .. لأن كل قسم عباره عن ديوان الشاعر .. كذلك لسهوله بحث القارئ عن مايريد ..

ارجو نقل كل قصيده بموضوع .. أكرر شكري

[ذيب الطنايا]

جهد جبار من يامظلوم والله يوفقك

بس لو حطيت كل قصيدة في موضوع كانت أحلى منك وشكراَ