كل ما قلت ابسلى عن هوا كل غالي

[روح التميمي]

كل ما قلت ابسلى عن هوا كل غالي "=" ساقني سايق العاشق بحنوة عصاته
ودي اسلى وانا ماني عن الحب سالي "=" لو هوا اليوم مره زايدٍ عن حلاته
ياهل الحب ماللحب دور ومجالي "=" مابقي للهوا ناس تميز صفاته
من تحلم وغنى قال ياهم ملالي "=" أثري الشاعر اللي ما تنتسوى سواته
وغيره اللي يحسدون البنات الجمالي "=" يالله انك على طبعه تحسده حياته
الشعر ذيل خيل ولابس كعب عالي "=" فاتحٍ دلعته ما تفرقه من خواته
ياحمد يامحمد دوكم اللي بقالي "=" ويش لي بالغرام اللي نزعتوا طراته
يوم صار الهوا سعره بسعر الريالي "=" مات والدايم الله كفنوه بعباته