طــرق بين أخر بين عبدالعزيز البادي و حمد المغيولي ( رحمهم الله ) ...
عبدالعزيز
تسمــــع للــوسيـمــــه والمحطـــه كلها تشويش = ســــلام الله عليكـــــم ردة منشاه من جاشي
لك الله ودي العب مير لــو دورت مــــــا عنديش = قـريص الداب لا شاف الحبل بالليل ينحاشي
حمد
سمعت السالفه ياللي تشوش من هجوسك ليش = الا يـــا مرحبا مــــــا هل هملول من الناشي
الى مـا ابديت لك عوج السوالف فانت لا تبديش = ولا لك صالح من طول مطراشك ومطراشي
عبدالعزيز
الا يــــا عزتا للــــي سبوقه مـــــــا بقى به ريش = الــــى منه حذف عود من المقناص ببلاشي
عقب هاك الليال اللــي مضت وايام طيب العيش = اهاوش لــي زعيم بالخطر ما هوب ينهاشي
حمد
سلمت من العنا ياللـــــي تصل الخيل قبل الجيش = علـــى نجع الرحيل وخيلهم يبرن الادباشي
كفانــي من كلامك يــــا عزيـــــز غير ذا ما بيش = تغشش من كلامـي وانت يا رجال غشاشي
عبدالعزيز
من افخت من حذره اول بتال العمر مـــا يمديش = انــا واياك صرنا مثــل برنامج على الماشي
واظن اللـــي يهرّب مـــا يشاهد مركز التفتيش = ترا ماهوب مامون الخطر لو عاش ما عاشي
حمد
اظنك يــــوم تــــــزوم مقصدك مني تبي بخشيش = وانا راسي لك الله يـــا عزيز ما به عراشي
تشب النار ميـــر النار يـــا رجــال مــــا تحميش = ولا شبـيـتـــها رشـّه من البــــــراق رشاشي
العرض العادي
